web counter
LEXO PA REKLAMA!

SHKARKO APP

App Store
Google Play

U lëndua gjatë protestës/ Gazetari Asimi: Kam pasur probleme, mora pjesë për dy arsye

11 Shkurt 2026, 09:53, Aktualitet CNA

U lëndua gjatë protestës/ Gazetari Asimi: Kam pasur probleme,

Gazetari shqiptaro-amerikan, Arian Asimi, foli sot lidhur me protestën e opozitës, ku ishte pjesëmarrës dhe një nga personat e lënduar nga gazi lotsjellës.

Asimi tha për “Syri TV” se vijon të ketë probleme për shkak të lëndës së hedhur dje para Kryeministrisë.

Asimi u shpreh se zgjodhi të vinte nga SHBA-ja për protestën, jo vetëm si gazetar, por edhe si qytetar.

“Ishte një nga ditët më të bukura të jetës sime. Sepse pashë live, pashë direkt, preka njerëz, nuk ishin as shpellarë, nuk ishin as druvarë, ishin njerëz që kishin dalë për të protestuar për të drejtat e tyre, ishin njerëz që kishin dalë për të rrëzuar, për të kërkuar largimin e kësaj gjësë së shëmtuar që quhet Edi Rama. Personalisht përjetova rininë time, vitet '90, kur ne merrnim pjesë në protestat kundër atyre enveristëve që kërkonin bustin e Enverit.

Unë dua të them disa gjëra, në fakt kam pasur probleme me grykën, e kam shumë keq akoma, mundohem. Nga gazi që hëngra kam shumë probleme.

Unë isha në protestë, me dy misione. Dy misione, t'u them injorantëve sepse duhet sqaruar dhe injoranca. Unë jam shtetas amerikan dhe jam krenar që jam shtetas amerikan. Jam i lindur në Shqipëri. Mua po më dhembte shpirti dje. Unë po vdisja atje, po vdisja, isha shtrirë në asfalt, se nuk shikoja gjë dhe gazi që më hodhën, nuk ishte gaz i bardhë, ishte jeshil. Ishte gaz jeshil, se më kujtohet që hapa pak sytë dhe kujtova fëmijët, kujtova gruan time, dhe thashë, ika. Unë do të ofroja të tëra gjërat e botës vetëm për të shpëtuar në atë moment, se nuk e meritoja që të mbytesha me gaz. Dhe dua të them diçka tjetër që është shumë e rëndësishme. Pra, isha në radhë të parë si gazetar për ta parë nga afër protestën. Për ta kuptuar që a është thjesht një trip mediatik. Dhe unë pashë vërtet një protestë atje, unë pashë vërtet shpirtin e protestuesve.

E para isha si gazetar. Dhe unë e çmoj, e çmoj nenin e parë në kushtetutën që unë kam vënë dorën, jam betuar, lirinë e fjalës, lirinë e medias. Pra media është çdo njeri që ka guxim, shpirt, ka shpirt të pastër dhe e dashuron, zanatin e gazetarit.

Verifikova që protesta është reale, njerëzit janë realë, revolta është reale, njerëzit janë shumë. Bile unë kam takuar dhe shumë njerëz që kanë frikë. Se ka njerëz që kanë frikë, nuk janë të gjithë njerëzit trima. Pra, shumë njerëz nuk rrinë as në bulevard, po rrinë një çikë më këtej që të mos i shikonte njeri. A më kupton? Pra, unë vërtetova që revolta është e vërtetë, nuk është manipulim, është e vërtetë.

Unë dola edhe për nënën time. Nëna ime është pensioniste këtu, ka punuar një jetë të tërë. Por, pensioni nuk është thjesht vetëm ana monetare, është integritet, është respekt. Kur shteti u rrit pensionin pensionistëve është respekt ndaj punës së tyre, ndaj jetës së tyre, nuk është thjesht ana ekonomike”,-tha Asimi./CNA

 





Lajmet e fundit nga