web counter
LEXO PA REKLAMA!

SHKARKO APP

App Store
Google Play

“Turp!”/ Brizida Gjikondi dhe Andi Tepelena protestojnë për zbukurimet LGBTQ në Tiranë

13 Shkurt 2026, 22:22, Aktualitet CNA

“Turp!”/ Brizida Gjikondi dhe Andi Tepelena protestojnë

Juristja Brizida Gjikondi dhe aktivisti Andi Tepelena kanë zhvilluar një protestë mbrëmjen e së premtes.

Protestua në Bulevardin “Dëshmoret e Kombit” u mbajt për lidhur me zbukurimet LGBTQ që janë vendosur në qytet me rastin e 14 shkurtit, që festohet gjerësisht si Dita e Shën Valentinit.

“Turp!”/ Brizida Gjikondi dhe Andi Tepelena protestojnë

Sipas Gjikondit, ky akt nga Bashkia e Tiranës është i turpshëm dhe përbën një ofendim e provokim për familjet shqiptare.

"Në qendër të Tiranës, në bulevardin 'Dëshmorët e Kombit', që jo më kot ka emër të tillë, Bashkia e Tiranës, qeverisja dhe mazhoranca shqiptare ka vendosur që të bëjë zbukurimet me rastin e 14 shkurtit me tematikë LGBT-je.

Kjo është një fyerje, një ofendim dhe një provokim për të gjithë shqiptarët dhe për të gjithë familjet shqiptare. Ligji në Shqipëri, sipas Kushtetutës, e bën familja. Ajo është pjesa më e shenjtë e këtij kombi. Dhe mos harrojmë që jo më larg se dje, patëm statistikat ku pothuajse kanë rënë lindjet 74% nga viti '90 deri më sot.

Dhe ky është një tregues edhe një herë për të parë se në çfarë krize ka hyrë kjo shoqëri dhe se si nuk stimulohet e drejta e ligjshme dhe e ardhmja e këtij kombi, por stimulohet ajo që nuk është shumica dhe nuk është ajo që përcakton legjislacioni shqiptar.

Bashkia e Tiranës nuk e di çfarë agjende ka, por në ligjin e saj organik, ajo përfaqëson interesat e të gjithë qytetarëve të Shqipërisë dhe të Tiranës si kryeqytet i Shqipërisë, dhe në asnjë mënyrë nuk ka për detyrë të përfaqësojë orientimet seksuale të pakicave që nuk janë shumica e qytetit.

Unë mendoj që një qytet, ashtu siç është dhe polisin i famshëm grek, bazohet mbi familjen. Dhe të stimulosh dhe të orientosh rininë drejt saj dhe ta minimizosh rolin e familjes dhe ta orientosh drejt kësaj gjëje, mendoj që kjo flet shumë që zotin Rama e ka kapur jo vetëm korrupsioni financiar dhe material, por e ka kapur dhe korrupsioni moral.

Ndaj duhet reaguar përpara këtyre gjërave, që edhe pse shumë mund të thonë që e bën për të hequr vëmendjen, jo, nuk e bën për të hequr vëmendjen. E bën sepse pikërisht do të zhbëjë qelizën bazë të shoqërisë shqiptare që është familja. Ligjin e bën shumica dhe shumica e shqiptarëve kanë të shenjtë familjen",-tha Gjikondi./CNA



 





Lajmet e fundit nga