web counter
LEXO PA REKLAMA!

SHKARKO APP

App Store
Google Play

Tritol në banesë/ Xhelal Mziu: E kam vrarë mendjen gjithë këto ditë, nuk kam asnjë konflikt

22 Shtator 2025, 10:06, Aktualitet CNA

 Tritol në banesë/ Xhelal Mziu: E kam vrarë mendjen gjithë

Deputeti i Partisë Demokratike, Xhelal Mziu, komentoi sot mbi incidentin e ndodhur disa ditë më parë në banesën e tij, kur persona të paidentifikuar i hodhën tritol. 

Në një intervistë në "Syri TV", Mziu deklaroi se nuk ka asnjë konflikt me asnjë person dhe nuk gjen asnjë justifikim për ngjarjen.

Mziu tha se ajo që i ndodhi është rasti tipik i një ngjarjeje që i ndodh opozitës nga qeveria, duke hedhur akuza për një sulm të qëllimshëm.

“Në fakt, nuk është se e kam ndier vetë se jemi mësuar me këto përplasjet se e dimë edhe efektin e politikës, por në raport me familjen... por pse jo edhe komshinjtë, të cilët realisht që të gjithë dolën jashtë dhe dukej si një vullkan në aspektin e shpërthimit dhe ishte vërtet e frikshme.

Unë pothuajse sa herë që kam fushata, kur është dhe fushatë intensive dhe gjithë beteja ime sa herë bëj fushatë ka një fokus, ka qeverisjen dhe jo individë.

Absolutisht terreni që ne sot kemi ku qeveria është bërë një me krimin, i impulson ato dhe u krijon terrenin e nevojshëm duke i ndarë kush janë armiqtë e qeverisë dhe në këtë kontekst absolutisht unë e konsideroj një dorë të pastër të qeverisë që e ka përdorur këtë për të na trembur e joshur, për të na bërë që të mos merremi me qeverinë.

Ajo se çfarë ndodhi me mua e quaj fiks se si kjo qeveri po sillet në raport me opozitën dhe i duhej për të bërë edhe një veprim të tillë.

Ju e patë se çfarë thoshte Mane, thoshte që Rama, pastaj rilindja, ose po të shohësh sloganin që ta kishin në fushatë thoshte 'me Edin dhe me PS' andej nga fundi, pra individin fillimisht.

Në këtë kontekst ai tenton të bëjë piramidën e strukturës që ka vetëm një person në Shqipëri, nuk ka as Parlament, as qeveri, as drejtësi, nuk ka asgjë – është vetëm një person dhe ky është Edi.

E kam vrarë mendjen gjithë këto ditë, por nuk po gjej asnjë argument, qoftë edhe konflikti që unë mund të kem pasur, qoftë edhe verbal, me asnjë person. Është përdorur ky instrument për të presionuar opozitën siç bëjnë veprime të tilla ndaj ndonjë biznesi për t’u dhënë shembull të tjerëve apo rrëshqitje në një vend tjetër pavarësisht se objekti është me leje.

Kjo absolutisht është sjellje e bablokut ose atij që është vetëm një person dhe përfaqëson çdo zë e çdo institucion.

Unë nuk kam asnjë konflikt, edhe kur iki në Dibër, edhe në Tiranë, nuk kam asnjë bodyguard. Lëviz si ditën, si natën, në të gjithë Shqipërinë e në çdo njësi vendore të Qarkut Dibër dhe nëse do të kisha pasur konflikt do ta kisha pasur një shoqërues.

Kështu që unë realisht nuk kam asnjë konflikt me asnjë person e nuk kam asnjë argument për të thënë se kjo erdhi nga ky konflikt apo një tjetër”,-tha Mziu./CNA





Lajmet e fundit nga