E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Thellohet skandali/ Pas Haxhire Gurakuqit, reagon djali i pensionistit tjetër: S’kemi përfituar asnjë qindarkë

5 Korrik 2022, 19:47, Aktualitet CNA

Thellohet skandali/ Pas Haxhire Gurakuqit, reagon djali i pensionistit

Vijon të thellohet akoma më shumë skandali me kompanitë e inceneratorëve.

Kryetarja e LSI-së, Monika Kryemadhi, deklaroi dy ditë më parë se dy pesnionistë, 90-vjeçarja Haxhire Gurakuqi dhe Thanas Çani janë persona që kishin marrë në zotërim 3 kompani dhe që kishin qarkulluar rreth 30 milionë dollarë.

Një ditë pasi 90-vjeçarja Haxhire Gurakuqi deklaroi publikisht se pranë saj ishin paraqitur persona për t’i kërkuar firmën, e cila më pas ishte përdorur për t’i ngarkuar tri kompani që kishin realizuar rreth 30 milionë dollarë xhiro vjetore, "ABC" kontaktoi me familjarët e Thanas Çanit, pensionistit tjetër të përfshirë në skemën e kompanive që pasi kryenin evazion fiskal shisnin kompanitë e tyre.

Ardjan Çani deklaron se familja e tij dhe babai i tij Thanas Çani e mësuan vetëm nga media faktin se babai i tyre ishte i përfshirë në një skemë ku ndonëse qarkullonin miliona dollarë nuk ka përfituar asnjë qindarkë.

“Kjo që ka ndodhur jo vetëm është si skenar filmash, por është e ngjashme me episode humoristike. Nuk na ka njoftuar as krim ekonomik dhe askush. Ne e kemi marrë vesh vetëm kur gjetëm emrin e babait dhe foton e tij nëpër portale. S’ka ardhur asnjë letër që të na njoftojë as tek unë dhe as te babai im. Nuk jemi njoftuar për asgjë nga këto që kanë ndodhur gjithë këto vite”, deklaroi ai.

Djali i pensionistit që u përfshi në skemën e kompanive që bashkëpunonin me inceneratorin e Tiranës thotë se do të ndjek të gjithë rrugën ligjore për zbardhjen e ngarjes.

“Unë do ta ndjek çështjen ligjërisht. Këto janë çështje të cilat ne si familje po i konsultojmë. Ana morale, u takon të gjithëve të bëjnë pjesën e tyre. Ju si media bëjeni pjesën tuaj të tregoni se çfarë ndodh në këtë vend”, tha ai për "ABC".

Emrat e pensionistëve 90-vjeçarë pa lidhje mes tyre, Haxhire Gurakuqi dhe Thanas Çanit u denoncuan nga LSI--ja, si persona që kishin marrë në zotërim 3 kompani që kishin qarkulluar rreth 30 milionë dollarë, por që siç ka rezultuar nuk kanë përfituar asgjë dhe shkresat për ta janë falsifikuar.