E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

Të ricikluarit e Policisë së Rrumbullakut

14 Dhjetor 2022, 12:38, Aktualitet CNA

Policia është përfshirë nga një sërë lëvizjesh, që me marrjen e detyrës nga Muhamet Rrumbullaku, pas largimit të Gledis Nanos.

Lëvizjet e para Rrumbullaku i bëri që në tetor, kur emëroi në Qarkun e Durrësit, Skënder Hitajn.

Në vend të Hitajt që nga Dibra e solli në Durrës emëroi Dhimitraq Ziun.

Të tilla lëvizje ka bërë edhe së fundmi.

Pra, asgjë e re, riciklim i xhaketave të vjetra, pavarësisht se çfarë paralajmëroi, Rrumbullaku kur mori detyrën.

Valë ndryshimesh në Polici/ Emrat që lëvizin
13 Dhjetor, 14:35

Njësoj si ajo barsoleta me shtëpitë publike, që në vend të ndërroheshin punonjëset e seksit, ndryshoheshin krevatet.

Këtë gjë ka bërë edhe Muhamet Rrumbullaku. Ka ndryshuar vetëm krevatet e drejtuesve të Policisë, por jo vetë ata.

Janë të njëjtat fytyra dhe të njëjtët emra që riciklohen dhe shëtisin nga qarku në qark dhe i njëjti kriminalitet.

Janë të njëjtit drejtues policie, që kanë qenë pjesë e këtij institucioni të masakrave të përgjakshme mafioze që kanë ndodhur në vendin tonë dhe që kulmuan me zhdukjen e Ervis Martinajt.

Oficerë karriere policie të rinj nuk ka, nuk duken gjëkundi. Boshti vërtitet rreth xhaketave të vjetra, të cilët nëse nuk kanë ndriçuar deri më tani, nuk do të ndriçojnë më.

Lëvizjet e Rrumbullakut janë të tipit riciklim infeksioni dhe për pasojë nuk prodhojnë asnjë të re.

Pjesa më e madhe lëvizjeve “Rrumbullaku”, janë thjesht rokadë, me zëvendësime të njëri-tjetrit, njësoj si në shah, ku mbreti e torra këmbejnë vendet.

Për vite me radhë nuk ka asnjë risi në lëvizjet e reja, në rifreskimin e kupolës së policisë me elementë modernë dhe oficerë që përfaqësojnë qytetarët.

Të ricikluarit e Rrumbullakut

Lorenc Paganika ka lëvizur nga Tirana, ku ka mbajtur postin e drejtorit të Drejtorisë Vendore, duke shkuar në Akademinë e Policisë.

Tonin Vocaj është emëruar drejtor i Policisë së Tiranës, ndërsa zëvendësdrejtor i Përgjithshëm i Policisë është emëruar Sokol Bizhga.

Në krye të Policisë së Shkodrës, është emëruar Ervin Hodaj, i cili më herët ka mbajtur postin e Drejtorit të Policisë së Tiranës.

Nga ana tjetër, Niko Brahimaj është emëruar drejtor i Policisë së Fierit, ndërkohë më herët ka qenë pjesë e Policisë Shkencore.

Urdhëroi shoqërimin e Berishës në polici/ Emërohet në krye të Policisë së Fierit
13 Dhjetor, 15:42

Ermal Muça është larguar nga Korça, ku ka mbajtur postin e zëvendësdrejtorit të Policisë së Korçës, dhe është transferuar në Vlorë, si drejtor i Policisë së Vlorës.

Hamdi Fjora, i cili më parë ka qenë drejtor i Policisë së Shkodrës ka zëvendësuar Sokol Bizhgën, duke u vendosur në krye të Operacionales.

Lutfi Minxhozi është emëruar drejtor për Marrëdhëniet Ndërkombëtare, ndërsa Gent Ndoj emërohet drejtor i Krimit Ekonomik në Drejtorinë e Përgjithshme./CNA.al