web counter
LEXO PA REKLAMA!

SHKARKO APP

App Store
Google Play

E fundit!

x

Studentët paralajmëruan bojkot/ Si justifikohet Kushi

19 Korrik 2023, 13:34, Aktualitet CNA

Studentët paralajmëruan bojkot/ Si justifikohet Kushi

Nesër në Parlament pritet të kalojë projektligji për studentët e mjekësisë.

Studentët kanë paralajmëruar që në vitin e ri akademik të bojkotojnë mësimin, madje ta ndjekin deri në kushtetuese.

Ministrja e Arsimit, Evis Kushi, tha se pjesa më e madhe janë dakord dhe për këtë projektligj është marrë edhe mendimi i opinionit publik.

Ajo tha se ligji vjen me procedurë të përshpejtuar sepse maturantët do të marrin vendimin nëse do të shkojnë për programin Mjekësi e përgjithshme apo jo.

"Ne kemi diskutuar gjatë me studentët. Ka një pjesë të atyre që rezistojnë dhe nuk janë dakord, por ka një pjesë të madhe të studentëve që janë dakord, siç dhe pjesa më e madhe e qytetarëve. Ne jemi konsultuar me mjekë e studentë si dhe kemi marrë mendimin e opinionit publik dhe pjesa më e madhe janë dakord. Ligji vjen me procedurë të përshpejtuar jo për shkak të emergjencës në sistem. Arsyeja është sepse maturantët do të marrin vendimin nëse do të shkojnë për programin Mjekësi e përgjithshme apo jo. Ky është një ligj i cili vjen për të rritur performancën e sistemit shëndetësor dhe për të parandaluar largimin e mjekëve drejt vendeve më të zhvilluara", tha Kushi në daljen e saj për mediat./ CNA





Lajmet e fundit nga