web counter
LEXO PA REKLAMA!

SHKARKO APP

App Store
Google Play

"SPAK ka frikësuar politikën"/ Fundo: Rama duhet të thirret për "21 janarin" dhe inceneratorët

11 Nëntor 2025, 21:29, Aktualitet CNA

"SPAK ka frikësuar politikën"/ Fundo: Rama duhet të

Gazetari Elvi Fundo i ftuar në emisionin “A Show” në Syri TV deklaroi se SPAK duhet të thërrasë kryeministrin Edi Rama për “21 janarin” dhe për çështjen e inceneratorëve, por opozita nuk mund të shpresojë të vijë në pushtet pas arrestimit të Ramës, por duhet të vijojë aksionin.

Fundo tha se SPAK ka bërë punë të mirë pasi politika është trembur. Gazetari deklaroi se ndërtimi i tunelit të Llogarasë është investim strategjik.

 

"Të gjithë bien dakord që është investim strategjik. Unë nuk e di pse duhet të jemi ose pro ose kundër Ballukut kur mund të shohim të vërtetën.

Opozita nuk duhet të ketë shpresë që SPAK-u të arrestojë Edi Ramën dhe pastaj të vijë në pushtet, por duhet të vijojë aksionin e saj.

SPAK po heton dosje të caktuara, po bën punë sepse politika është frikësuar. Kemi një kryebashkiak të arrestuar, një ish-zv.kryeministër në arrati dhe Berisha nën akuzë.

Besoj se në SPAK do të thirret edhe kryeministri Rama, por mediat thonë se të premten do thirret Berisha për “21 janarin”.

Nëse nuk thirret Rama, organizatori i protestës atëherë i bie që është bërë një vrimë në ujë. Thirrën Lulzim Bashën sepse ka qenë ministër i Brendshëm.

SPAK duhet të thërrasë Ramën për politikat e qeverisë sepse kemi një incenerator në Fier që nuk punon, një në Elbasan dhe një në Tiranë që nuk ekziston", tha Fundo./CNA

 

 

 

 

 

 

 

 





Lajmet e fundit nga