web counter
LEXO PA REKLAMA!

SHKARKO APP

App Store
Google Play

Nuk justifikoi dot pasurinë/ KPA lë në fuqi shkarkimin e prokurores së Tiranës

11 Nëntor 2025, 19:40, Aktualitet CNA

Nuk justifikoi dot pasurinë/ KPA lë në fuqi shkarkimin e

Kolegji i Posaçëm i Apelimit ka shkarkuar nga detyra prokuroren e Tiranës, Miranda Bushi, duke lënë në fuqi vendimin e Komisionit të Pavarur të Kualifikimit.

Më 25 maj të vitit 2023, Komisioni i Pavarur i Kualifikimit vendosi shkarkimin e prokurores pasi nuk justifikoi blerjen e disa pasurive të paluajtshme.

 

Njoftim vendimi

 

Trupi gjykues i Kolegjit të Posaçëm të Apelimit, i përbërë nga Albana Shtylla kryesuese, Sokol Çomo relator, Mimoza Tasi, Natasha Mulaj, Rezarta Schuetz anëtare, shpalli vendimin për çështjen nr. 41/2023, datë 13.09.2023, që i përket ankimit të subjektit të rivlerësimit Miranda Bushi kundër vendimit të Komisionit të Pavarur të Kualifikimit, nr. 666, datë 25.05.2023.

 

Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

 

Lënien në fuqi të vendimit të Komisionit të Pavarur të Kualifikimit nr. 666, datë 25.05.2023, që i përket subjektit të rivlerësimit Miranda Bushi.

 

Ky vendim është përfundimtar dhe ka efekt të menjëhershëm.

 

U shpall sot, më datë 11.11.2025, në Tiranë./CNA

 

 

 

 

 





Lajmet e fundit nga