Sondazh në CNA/ Si e vlerësoni çështjen e inceneratorëve?

14 Prill 2023, 14:48, Aktualitet CNA

Sondazh në CNA/ Si e vlerësoni çështjen e

Foto ilustruese

CNA ka denoncuar prej vitesh aferën me tre inceneratorët, atë të Tiranës, Elbasanit dhe Fierit, e cila është quajtur ndryshe si afera e shekullit.

Duke qenë një nga çështjet më të nxehta dhe më korruptive, e cilësuar si afera e shekullit, CNA ka krijuar një sondazh, ku pyet qytetarët se si e vlerësojnë çështjen e inceneratorëve.

Për këtë ju mund të shprehni mendimin tuaj duke zgjedhur një nga mundësitë e parashtruara: Aferë korruptive, Investim i duhur apo Nuk e Di.

Votoni në sondazhin e mëposhtëm:

Poll

Afera e djegësave po gllabëron qindra miliona euro nga taksat e shqiptarëve të varfër, për inceneratorë që nuk funksionojnë apo që nuk ekzistojnë, përmendim këtu landfillin e Tiranës, për të cilin CNA ka zbuluar dokumente, ku tregohen fitimet e kompanive.

Kompania e inceneratorit të Tiranës, “Integrated Energy BV SPV”, ka mundur të fitojë afërsisht 20 milionë dollarë në të paktën 5 vite nga marrja me koncension e administrimit të landfillit të Tiranës.

Për aferën e shekullit, SPAK ka shpallur në kërkim Stela Gugallen, Klodian Zoton, Mirel Mërtirin, i cili njihet dhe si truri i inceneratorëve, ku sipas një dokumenti të publikuar nga CNA, Mirel Mërtiri merr pagë nëpërmjet një kompanie të tretë në Holandë për llogari të "Geogenix", mëmës së inceneratorit të Tiranës.

Pagesa është prej 5 mijë eurosh në muaj. Është "Geogenix" që treguam me dokumente që i garantoi Mirel Mërtirit rezidencën në Holandë, ndërkohë që ky ishte një person i shpallur në kërkim nga SPAK-u dhe kërkohej nga policia shqiptare.

Në kërkim nga SPAK-u është edhe Giuseppe Ciaffaglione, i cili është është një nga emrat kryesorë të aferës së inceneratorëve në Tiranë, një nga çelësat e saj pasi mund të hapë “Kutinë e Pandorës”. Ai ndodhet në Itali, ku u arratis pasi SPAK-u e shpalli në kërkim. Është aksioner i kompanisë “Geogenix”, e cila është mëma e “Integrated Energy BV SPV”, të inceneratorit të Tiranës, një kompani, e cila është nën hetim nga SPAK-u, për inceneratorin e Tiranës.

Të gjithë janë në arrati dhe i shmangen drejtësisë.

Janë publikuar dokumente se si lidhet inceneratori i Elbasanit me atë të Fierit me Klodian Zoton, Stela Gugallen, Mirel Mërtirin dhe Tiranën ku taksapaguesit e varfër shqiptarë paguajnë 29 euro/ton dhe ndërkohë që gati 6 vite pas firmosjes së kontratës koncensionare në Tiranë ende nuk ekziston inceneratori.

Afera e shekullit është denoncuar prej vitesh nga CNA, "TPZ", "BIRN" dhe media të tjera.

Për aferën shekullore, një ministër dhe një sekretar i Përgjithshëm ka rënë në pranga dhe shumë zyrtarë të tjerë.

Njerëzit e inceneratorëve kanë përfituar kontrata koncesionare prej rreth 480 milionë eurosh nga qeveria shqiptare.

CNA vijon investigimet për kompanitë e inceneratorëve, ku emrat e Stela Gugalles, Mirel Mërtirit dhe Klodian Zotos, qarkullojnë në të gjitha lidhjet.

Kjo aferë ka gllabëruar edhe median në Shqipëri.

Kompanitë e inceneratorëve dhe njerëzit e saj vijojnë ende të marrin para nga taskapaguesit e varfër shqiptarë për një incenerator si ai i Elbasanit që ka një kosto kolosale dhe ka ngelur në remont, si ai i Fierit që nuk është vënë ende në punë dhe së fundmi inceneratori i Tiranës që nuk ekziston./ CNA.al