web counter
LEXO PA REKLAMA!

SHKARKO APP

App Store
Google Play

Sokol Balla “kërcënon” Gazment Bardhin

10 Tetor 2024, 09:23, Aktualitet CNA
Sokol Balla “kërcënon” Gazment Bardhin
Fotomontazh - Gazment Bardhi dhe Sokol Balla

Gazetari Sokol Balla “kërcënoi” mbrëmjen e së mërkurës kreun e Grupit Parlamentar, Gazment Bardhi.

Gjatë një monologu, Balla analizoi mesazhet kërcënuese të Gazment Bardhit, ku paraqiteshin biseda në aplikacionin "SKY ECC" ndërmjet Erigers Mihasit dhe Ervis Martinajt dhe pretendohej se kishin financuar Bardhin me 100 mijë euro për fushatë elektorale.

Ai tha se kreu i grupit të PD-së duhet të jetë më i kujdesshëm me mesazhet që publikon.

Gazetari theksoi se Bardhi nuk duhet të bëjë gabimet e Salianjit, pasi mund të përfundojë si ky i fundit që ndodhet në burg, apo edhe si Ervis Martinaj, i cili është zhdukur që prej 9 gushtit të 2022-shit.

“Gazment Bardhit po i shtohen çështjet që lidhen me drejtësinë edhe SPAK sot e paralajmëroi, e njoftoi se mesazhet që e lidhin me Vis Martinajn ishin të sajuara, por duke e këshilluar që herë tjetër të mos nxitohet ai dhe të tjerët për të publikuar materiale të paverifikuara. Ndoshta një paralajmërim që ai të mos thellohet në gabimet e Salianjit, pasi karma të rikthehet herë në formën e Vinit, herë në formën e Visit dhe në çdo rast fundi nuk është i lumtur”, nënvizoi Sokol Balla, duke “kërcënuar” kështu Gazment Bardhin.

Kujtojmë se ky i fundit i mori mesazhet kërcënuese pasi publikoi në Parlament biseda të personazheve me precedentë penalë në aplikacionin “SKY ECC”./ CNA

 





Lajmet e fundit nga