web counter
LEXO PA REKLAMA!

SHKARKO APP

App Store
Google Play

E fundit!

x

Viti i ri për Akademinë e Forcave të Armatosura/ Vëngu: Do ta kthejmë në shkollë komandimi

9 Tetor 2024, 12:39, Aktualitet CNA

Viti i ri për Akademinë e Forcave të Armatosura/ Vëngu: Do

Në nisje të vitit të ri akademik, ministri i Mbrojtjes, Pirro Vëngu, përshëndeti studentët e Akademisë së Forcave të Armatosura.

Pjesë e këtij takimi ishin edhe ministrja e Arsimit, Ogerta Manastirliu, ministri i Mbrojtjes së Kosovës, Ejup Maqedonci dhe shefi i Shtabit të Përgjithshëm të FA, gjeneralmajor Arben Kingji.

Pirro Vëngu evidentoi politikat e ndjekura nga qeveria Rama, në vitet e fundit për t’i dhënë uniformës së ushtarakëve dinjitetin e duhur.

Ministri tha se synimi është që ta kthejmë Akademinë e Forcave të Armatosura në një shkollë komandimi, e cila ofron një karrierë të sigurt dhe një karrierë sfiduese me të gjitha avantazhet e benefitet që sjell uniforma.

“Ka ardhur momenti që Forcat e Armatosura në tërësi ta shohin përgjegjësinë e tyre përtej detyrave të mbrojtjes dhe të integritetit dhe sovranitetit të vendit, të cilat janë parësore dhe do të vijojnë të mbeten të tilla. Ne së bashku me gjeneralët e Shtabit dhe stafit pedagogjik të AFA do të investohemi që Forcat e Armatosura të mund të luajnë rolin e një skuadre, e cila përgatit burime njerëzore që i vlejnë kombit, jo vetëm në FA, por edhe si civilë. Është shumë e rëndësishme që t’ju japim mundësinë në karrierën tuaj që të vijoni edhe karrierën civile dhe të keni një mundësi karriere të gjithanshme, sepse vendet më të zhvilluara të NATO-s kanë krijuar një dinamikë shumë të fuqishme midis unifomës, punës civile, rikthimit në uniformë sipas nevojave të atdheut në momente të caktuara”, theksoi ai.

Në fjalën e saj, ministrja e Arsimit, Ogerta Manastirliu, tha se e sheh me shumë krenari që shumë të rinj nga qytete të ndryshme të vendit kanë zgjedhur të bëhen pjesë e Forcave të Armatosura.

“Atdheu, nderi, detyra! Është një moto e bukur, frymëzuese e Akademisë së Forcave të Armatosura, Ministrisë së Mbrojtjes, që sot na ka mbledhur të gjithëve së bashku në nisje të vitit akademik të Akademisë së Forcave të Armatosura, duke ju uruar shumë suksese të 80 studentëve të vitit të parë dhe më shumë se 300 studentëve të të gjithë ciklit të studimit në Akademinë e Forcave të Armatosura”, tha Manastirliu./ CNA





Lajmet e fundit nga