web counter
LEXO PA REKLAMA!

SHKARKO APP

App Store
Google Play

E fundit!

x

GJKKO i rrëzoi kërkesën për riekspertim/ Mediu: Jam hetuar dhe nuk është gjetur asnjë provë

9 Tetor 2024, 21:38, Aktualitet CNA

GJKKO i rrëzoi kërkesën për riekspertim/ Mediu: Jam hetuar

GjKKO ka rrëzuar kërkesën e ish-ministrit të Mbrojtjes, Fatmir Mediu për kryerjen e një rieskpertimi për kostot e dëmit ekonomiko-financiar të demontimit në fabrikën e Poliçanit.

Në një intervistë për "Klan News", Mediu është shprehur se, është hetuar në të gjithë botën dhe nuk është gjetur asgjë dhe kanë ngelur tek akuza e shpërdorimit të detyrës që është e parashkruar.

Mediu ka theksuar se në vitin 2008 është bërë një akt ekspertize sa i përket dëmit ekonomik dhe tani i veshin çdo gjë që i vishet gjithë masës së atyre që janë akuzuar ku duhet të jetë patjetër edhe ministri.

“Fatmir Mediu është hetuar në të gjithë botën dhe nuk është gjetur asgjë dhe ngelën në një akuzë që është “shpërdorimi i detyrës” që siç thashë është e parashkruar. Që të ketë shpërdorim detyre patjetër duhet të ketë një dëm ekonomik dhe në vitin 2008 është bërë një akt ekspertize sa i përket dëmit ekonomik dhe i veshin tani çdo gjë që i vishet gjithë masës së atyre që janë akuzuar duhet të jetë patjetër edhe ministri. Çfarë ka bërë kombinati i Poliçanit, vlerat që janë vendosur, çfarë ka bërë komisioni i çmimeve apo strukturat e tjera që nuk ka asnjë lidhje me ministrin e Mbrojtjes në vendimmarjen e tyre, as karakterit funksional të detyrës së ministrit dhe as karakterit subjektiv dhe kjo provuar me dëshmitarët që ka thirrur Prokuroria” është shprehur Mediu.

Më tej ish-ministri thotë se janë dërguar mbi 200 pyetje ekspertëve dhe nuk u janë përgjigjur as 90 % të tyre.

Ai ka nënvizuar se nuk kanë vlerësuar as ligje, as vendime të Këshillit të Ministrave as urdhra apo të gjithë praktikën e marrëdhënieve dhe kanë thënë që nuk kanë gjetur asnjë përgjegjësi të ministrit sa i takon dëmit ekonomik, por Prokuroria sipas Mediut pretendon të kundërtën.

“Nuk mund t’i mbrohesh budallikut. Është alogjike, prandaj kërkuam akt të ri ekspertimi. Çmimi dhe vlera e mallit të tregut siç ishin municionet që shiteshin për qëllime luftarake sipas ekspertëve është më e vogël se çmimi i një malli të skaduar i cili jepet për të demontuar dhe për të demontuar duhen makineri, fuqi punëtore ka kosto të tjera shtesë në një kohë që shitja është një proces i thjeshtë.Nuk është se do të zgjasë pafund sepse ne jemi në fazën ku unë po bëj kundërpërgjigjet për atë se çfarë kanë thënë ekspertët në përgjigje sepse ne ju shtruam 200 pyetje dhe nuk u janë përgjigjur pothuajse mbi 90% të pyetjeve. Kanë thënë që nuk ka të bëjë me aktin tonë të ekspertimit . Nuk kanë vlerësuar as ligje, as vendime të Këshillit të Ministrave as urdhra apo të gjithë praktikën e marrëdhënieve, edhe e kanë deklaruar këtë. Kanë thënë që nuk kemi gjetur asnjë përgjegjësi të ministrit sa i takon dëmit ekonomik. Kanë bërë një pasqyrë dhe në atë pasqyrë nuk ka dëm të shkaktuar nga ministri, por në këtë rast prokuroria thotë jo e dimë ne nuk e dini ju”, është shprehur Mediu./ CNA





Lajmet e fundit nga