web counter
LEXO PA REKLAMA!

SHKARKO APP

App Store
Google Play

E fundit!

x

Aferat në Bashkinë e Tiranës/ Një tjetër drejtor i Veliajt, në SPAK

9 Tetor 2024, 12:50, Aktualitet CNA
Aferat në Bashkinë e Tiranës/ Një tjetër drejtor i
Erion Veliaj dhe Elton Kacidhja

Drejtori i Ujësjellësit të Tiranës, Elton Kacidhja është paraqitur këtë të mërkurë në Prokurorinë e Posaçme.

Mësohet se Kacidhja është thirrur për aferën “5D”, një dosje që po hetohet nga prokurori Klodian Braho.

Ai ka dhënë sqarime mëngjesin e sotëm për këtë dosje, por edhe për aferat e tjera në Bashkinë e Tiranës të Erion Veliajt.

Aferat në Bashkinë e Tiranës/ Një tjetër drejtor i

Kacidhja implikohet në aferën "5D" me tenderin 420 mijë euro për rikonstruksionin e rrjetit të ujësjellësit në rrugën: “Aleksander Moisiu”.

Këtë tender, sipas dosjes hetimore, Kacidhja ia ka dhënë kompanisë "5D", e cila më parë quhej “VAS Konstruksion sh.p.k.”, pavarësisht se kishte oferta më të ulëta.

Sa i përket dosjes “5D”, prapa hekurave ndodhen ish-drejtorët e Bashkisë së Tiranës, Redi Molla, Mariglen Qato dhe Taulant Tushe.

Ata fillimisht u akuzuan se ishin përfshirë në korrupsion duke drejtuar në hije kompaninë 5D që merrte punime nga institucione që ata kanë drejtuar.  

Nga ana tjetër, Tushe akuzohet edhe për inceneratorin e Tiranës. Akuza dhe hetime ka edhe për drejtorë të tjerë të Bashkisë së Tiranës./ CNA





Lajmet e fundit nga