web counter
LEXO PA REKLAMA!

SHKARKO APP

App Store
Google Play

Skenarë lufte në Suedi/ Ushtrime ushtarake me pjesëmarrjen e mbretit

28 Nëntor 2025, 17:51, Aktualitet CNA

Skenarë lufte në Suedi/ Ushtrime ushtarake me pjesëmarrjen e

Qeveria suedeze ka njoftuar ditën e sotme se ka kryer ushtrime të ngjashme me ato që do të zhvillohenin në një skenar lufte. Stërvitja e ushtrisë u krye me pjesëmarrjen e Mbretit të Suedisë, Princeshës së Kurorës, forcave të armatosura dhe anëtarëve të parlamentit.

Qeveria vuri në dukje se kjo është hera e parë që nga vitet 1990 që janë organizuar ushtrime ushtarake të kësaj shkalle me të gjitha këto organe.

“Këto ushtrime u kryen me iniciativën e qeverisë. Është e rëndësishme të kryhen ushtrime të përbashkëta, veçanërisht duke pasur parasysh situatën aktuale të sigurisë. Hap pas hapi dhe ushtrim pas ushtrimi, ne po forcojmë mbrojtjen dhe qëndrueshmërinë e përgjithshme të Suedisë”, tha kryeministri Ulf Kristersson në një njoftim për shtyp.

Ushtrimet, të cilat u bazuan në një skenar që parashikonte shpalljen e luftës ose kërcënimin e luftës, kishin për qëllim përdorimin e masave që do të merren për të ruajtur sigurinë e Suedisë” në një situatë të tillë.

“Këto ushtrime kanë të bëjnë me trajtimin e incidenteve dhe situatave, si në nivel kombëtar ashtu edhe ndërkombëtar, që mund të ngrenë sfida ose tensione për Suedinë, për qytetarët suedezë ose për interesat suedeze”, sipas njoftimit për shtyp. Deklarata e qeverisë suedeze është e përkthyer edhe në rusisht.

Rusia është kërcënimi kryesor për Suedinë, sipas agjencive të inteligjencës dhe mbrojtjes së vendit. Stokholmi ka përshpejtuar shpenzimet e tij ushtarake që nga pushtimi i Ukrainës dhe pas anëtarësimit në NATO në vitin 2024. /CNA





Lajmet e fundit nga