web counter
LEXO PA REKLAMA!

SHKARKO APP

App Store
Google Play

Busti i Llazar Zai Fundos/ Deputetja Ledina Alolli: Simbol dhe nder i madh për Korçën

28 Nëntor 2025, 12:45, Aktualitet CNA

Në zemër të qytetit të Korçës është vendosur busti i njërit prej ideatorëve dhe firmëtarëve të themeleve të BE-së, Llazar Zai Fundos.

Busti, i punuar nga skulptori Adi Dule, është vendosur në sheshin që mban emrin e tij, Llazar Zai Fundo. Për këtë ngjarje, deputetja e PD-së, Ledina Alolli, është shprehur se vendosja e bustit të Zai Fundos në Korçë nuk është vetëm një simbol, por një kujtesë për këtë emër të ndritur, patriot të shquar që ishte një intelektual i mendimit të lirë.

Alolli është shprehur se Llazar Zai Fundo ishte një ndër viktimat e komunizmit, sepse ai përqafoi pikërisht mendimin e lirë dhe donte të ishte një zë ndryshe për historinë, dhe pse jo për Korçën e për të gjithë Shqipërinë ndaj dhe vendosja e bustit të tij është në nder dhe respekt për të gjithë shqiptarët.

"Llazar Zai Fundo është një nga bijtë e Korçës, një nga figurat më të ndritura të saj, por edhe një ndër patriotët më të shquar. Vendosja e bustit të Zai Fundos në Korçë nuk është vetëm një simbol, por unë mendoj që është një kujtesë për këtë emër të ndritur, patriot të shquar, që ishte një intelektual i mendimit të lirë, ndaj sot është një nder i madh për Korçën. Jo vetëm për Korçën, por për gjithë Shqipërinë dhe për të gjithë shqiptarët kudo ata ndodhen. Fundo ishte një ndër viktimat e komunizmit, sepse ai përqafoi pikërisht mendimin e lirë dhe donte të ishte një zë ndryshe për historinë, dhe pse jo për Korçën tonë të dashur dhe për të gjithë Shqipërinë. Vendosja e bustit të tij është një nder dhe respekt për të gjithë ne."/ CNA





Lajmet e fundit nga