web counter
LEXO PA REKLAMA!

SHKARKO APP

App Store
Google Play

E fundit!

x

Skandali me mbetjet spitalore/ Lihet në burg administratori, pezullohen inspektorët

7 Qershor 2024, 12:30, Aktualitet CNA
Skandali me mbetjet spitalore/ Lihet në burg administratori, pezullohen
Foto ilustruese

Detaje të reja kanë dalë lidhur me skandalin e zbuluar në trajtimin e mbetjeve spitalore në kuadër të të cilit është arrestuar E.M., administratori i kompanie private.

Ndaj administratorit është vendosur masa "arrest me burg". Ndërkohë janë pezulluar nga detyra 8 inspektorë të shtetit si dhe masa detyrim me paraqitje është dhënë për 2 administratorë firmash private. 

Nga hetimet ka rezultuar se këta shtetas në bashkëpunim me njëri-tjetrin, nëpërmjet subjekteve që administronin, kanë pasur një tender për trajtimin e mbetjeve të rrezikshme spitalore për spitalin e Beratit.

Njëri nga subjektet ka fituar tenderin për trajtimin e mbetjeve dhe në dokumentacionin pjesëmarrës në tenderë është përdorur një shoqëri tjetër, e cila nuk ka pasur teknologjinë e duhur, ndaj mbetjet e një spitali nuk janë asgjësuar sipas procedurës ligjore, për pasojë kanë krijuar problematika në shëndetin e njerëzve dhe në mjedis.

Njoftimi i Policisë: 

Finalizohet pas një pune të mirëfilltë hetimore, nga Seksioni për Hetimin e Krimeve Ekonomike dhe Financiare, në bashkëpunim me Sektorin e Forcës së Posaçme për Operacionet Speciale në DVP Tiranë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, operacioni policor "Recycling".

Në kuadër të tij u ekzekutuan masat e sigurisë:

1. "Arrest në burg", për shtetasin E. M., 30 vjeç, banues në Krujë (administrator i një subjekti), për veprat penale “Falsifikimi i dokumenteve”, “Menaxhimi i mbetjeve” dhe "Aktivitetet e rrezikshme”;

2. "Detyrimi për t’u paraqitur në Policinë Gjyqësore" dhe “Ndalimi i përkohshëm i ushtrimit të veprimtarisë financiare”, për shtetasen E. Sh., 45 vjeçe, banuese në Tiranë (dministratore e një subjekti), si dhe për shtetasin L. Sh., 39 vjeç (administrator i një subjekti), për veprën penale “Falsifikimi i dokumentave”;

3. "Pezullimi i ushtrimit të një detyre a shërbimi publik” dhe “Ndalimi i daljes jashtë shtetit”, për shtetasit J. Sh., 35 vjeçe, E. P., 59 vjeç, A. M., 53 vjeç, N. D., 42 vjeç, A. K., 39 vjeçe, B. L., 30 vjeçe, I. B., 48 vjeç dhe K. A., 33 vjeç, të dyshuar për kryerjen e veprës penale “Shpërdorimi i detyrës”.

Këta shtetas dyshohet se në bashkëpunim me njëri-tjetrin, nëpërmjet subjekteve që administronin, kanë patur një tender për trajtimin e mbetjeve të rrezikshme spitalore për spitalin e Beratit. Njëri nga subjektet ka fituar tenderin për trajtimin e mbetjeve dhe në dokumentacionin pjesëmarrës në tendera është përdorur një shoqëri tjetër, e cila nuk ka patur teknologjinë e duhur, ndaj mbetjet e një spitali nuk janë asgjësuar sipas procedurës ligjore, për pasojë kanë krijuar problematika në shëndetin e njerëzve dhe në mjedis. Materialet i kaluan Prokurorisë./CNA 





Lajmet e fundit nga