web counter
LEXO PA REKLAMA!

SHKARKO APP

App Store
Google Play

Linja hekurudhore Vorë-Hani i Hotit/ Balluku: Do përshkohet për vetëm 2 orë

6 Qershor 2024, 19:08, Aktualitet CNA

Zv.kryeministrja dhe ministrja e Infrastrukturës, Belinda Balluku shpjegoi me detaje linjën hekurudhore Vorë-Hani i Hotit.

Balluku tha pasditen e kësaj të enjteje në Parlament se linja hekurudhore do të ketë 12 stacione. Ajo bëri të ditur se shpejtësia e trenave do të jetë 120 km/orë.

Sipas saj, linja hekurudhore do të ketë një fluks me 2.3 milionë udhëtarësh në vit dhe një volum mallrash prej 900 mijë tonësh në vit.

Ministrja theksoi se koha mesatare e udhëtimit nga Vora në Hanin e Hotit do të jetë vetëm 2 orë.

“Linja hekurudhore Vorë-Hani i Hotit dhe linja hekurudhore që lidh Durrësin me Prishtinën do të japin një kompletim infrastrukturor nga njëra anë dhe do të japin një rëndësi kombëtare të veçantë edhe portit të Durrësit. Pra, jo thjeshtë një hekurudhë për transportin e udhëtarëve, por një hekurudhë edhe komplementare për të mbështetur një nga projektet tona më të mëdha, atë të portit të Durrësit.

Kjo linjë sjell edhe ripërtëritjen edhe të një nga artieriet historike që ne kemi pasur, një linjë të ndërtuar herët në Republikën e Shqipërisë, ndoshta nga të parat dhe një linjë e cila ka kryer funksion deri në këto kohë, pavarësisht amortizimit të saj.

Gjithashtu, projekti konsiston me përmirësimin e linjës hekurudhore, duke e kaluar atë në një modernizim total. Parashikohet që shpejtësia e trenave që do të lëvizin në Vorë-Hani i Hotit do të jetë 120 km/orë. Bëhet fjalë që të gjitha linjat do të jenë linja të elektrifikuara. Ashtu siç nisur elektrifikimin e Tiranë-aeroport-Durrës, ashtu do në vazhdojmë edhe më e të gjitha linjat tjera.

Gjithashtu parashikohet gjatë këtij projekti ndërtimi i 12 stacioneve hekurudhore, ndërtimi i tunelit me gjatësi 320 metra si dhe ndërtimi i 112 urave. Me ndërtimin e kësaj linje hekurudhore pritet një fluks me 2.3 milionë udhëtarësh një vit dhe një volum mallrash prej 900 mijë tonësh në vit, ndërkohë që koha mesatare e udhëtimit nga Vora në Hanin e Hotit do të jetë vetëm 2 orë”, nënvizoi Balluku./ CNA





Lajmet e fundit nga