web counter
LEXO PA REKLAMA!

SHKARKO APP

App Store
Google Play

E fundit!

x

Shuplaka e Murrizit: Më mirë opozitë e dobët nga padija, se një opozitë selektive

29 Maj 2024, 21:13, Aktualitet CNA

Shuplaka e Murrizit: Më mirë opozitë e dobët nga padija, se

Ish-deputeti Myslim Murrizi ka analizuar lëvizjen dhe protestat e opozitës.

Murrizi, përmes një postimi në rrjetet sociale, ka shkruar se është më e mirë një opozitë e dobët nga padija sesa një opozitë selektive dhe me standarte të shumëfishta.

Sipas Murrizit, opozitën e dobët por pa hile dhe padiferencime do ta përkrahin çdo ditë e më shumë qytetarët opozitare për ta forcuar.

Ndërsa opozitën selektive dhe me standarte të shumëfishta për të njëjtin fenomen siç është korrupsioni kapilar në çdo qelizë të pushtetit të rilindjes, do ta shihnin me skepticizëm qytetarët opozitarë dhe me të drejtë do dyshonin se kjo lloj opozite bëhet me pagesë ose për qoka të klaneve të ndryshme brenda vetë pushtetit.

Deklarata e Myslim Murrizit

Më mirë një OPOZITË e dobët nga padija ose mungesa e fuqisë, sesa një opozitë selektive, vende-vende dhe me standarte të shumëfishta.

Opozitën e dobët por pa hile dhe padiferencime do ta përkrahin çdo ditë e më shumë qytetarët opozitare për ta forcuar.

Opozitën selektive dhe me standarte të shumëfishta për të njëjtin fenomen siç është korrupsioni kapilar në çdo qelizë të pushtetit të rilindjes, do ta shihnin me skepticizëm qytetarët opozitarë dhe me të drejtë do dyshonin se kjo lloj opozite bëhet me pagesë ose për qoka të klaneve të ndryshme brenda vetë pushtetit.

Nga ndryshojnë hajdutët e bashkisë me hajdutët e qeverisë????

Pse nuk ka patur dhe nuk ka protesta para çdo ministrie që ka drejtor, sekretar të përgjithshëm, apo zyrtarë të tjerë të arrestuar si hajdut?Nuk po merrem me shifra se kush ka vjedhur më shumë se po të jetë me shifra mes qeverisë dhe bashkive i bie që qeveria është numri 1 , ndërsa të gjitha bashkitë bashkë numri 10.

Pse heshtët për aferën në portin e Durrësit ku një firmë anonime i falet 3 miliardë euro pasuri dhe mbi 220 milionë euro taksa 3% e infrastrukturës?

Për ishullin e Sazanit?

Për dy anijet rrangallë nga Bangladeshi që vjedhin rreth 100 milionë euro pa u ndezur asnjë sekond?

Për konçensionet e Laboratorëve 130 milionë euro dhe atë të Dializës 110 milionë euro??

Për konçensionet me ppp të rrugës Thumanë-Rrogozhinë?

Për investitorët strategjik ku ka dhe individë që dorëzuan mandatin e deputetit për këtë “peshqesh “nga Rama??

 

Pse nuk belbëzohet asnjë fjalë për ish sigurimsat që janë në kupolën drejtuese të policisë së Shtetit (rreth 240) në shërbimin informativ (70) në KLP, KLGJ, PROKURORI E GJYKATA por kjo bëhet me sezone vetëm kur këta “kafshojmë” ndonjë??

Pse nuk kërkoni një komision hetimor për të parë e kaluar në filtër proçesin e pistë të VETINGUT megjithëse pas vendimit të djeshëm të Gjykatës Kushtetuese që legjitimoi ligjin e mazhorancës për komisionet mender hetimore nuk ka më komisione?

Pse nuk belbëzoni asnjë fjalë për shkejlen hapur të Kushtetutës nga Ardjan Dvorani si kryetar i KEDIT që dërgoi 4 kandidatura tek ish Presidenti Meta për anëtare të kësaj Gjykate kur duhet të dërgonte vetëm 3 sipas Kushtetutës??

Po që Meta dekretoi numrin 4 Xhaferrllarin dhe legjitimoi shkeljen e Dvoranit??

Po për pallatin mal pas pallatit të kulturës pse nuk flisni asnjë fjalë prej kohësh?

Po për shumë e shumë afera, tendera korruptiv të AKSHIT pse nuk flisni??

Po për BANKERS PETROLIN që ka vjedhur rreth 10 miliardë euro e nuk ka paguar asnjë lek tatim fitimi për 20 vjet rresht pse nuk flisni???

Po për konçensionet ndër vite si KURUMIN, ALBTELEKOMIN, RAPISKANIN, ALEAT, AEROPORT, SGS, KASAT DHE NGJYROSJA E KARBURANTEVE ETJ pse nuk flisni???

Po për banorët e vilave pas TEGUT, në Gjirin e Lalzit, në Palas e për rezidencën Kodra e Diellit që janë komshij pothuajse të njënjtët persona me njëri-tjetrin pavarësisht se bëni sikur ziheni në Kuvend e nëpër studio, pse nuk flisni??

Sot nuk është viti 1990 ku merresh vesh vetëm çfarë shihej në TVSH.

Sot merret vesh çdo gjë dhe në kohë reale ndaj asgjë që mund të mendohet se fshihet, nuk fshihet dot kurrë.

Dhe një kërkesë të fundit për të gjithë Deputetët dhe anëtare të kryesisë së Opozitës kam

A mund të bëni transparencë se ku janë të punësuar familjarët tuaj ( babai, nëna,burrë, grua, vëlla, motër, fëmijë, kunetër, vjehrri, vjehrra) që të shohin Shqiptarët nëse jeni në të vërtetë në OPOZITË apo jeni opozitarë leshi që njërën dorë e keni në bakllava dhe tjetrën në kadaif????

Ndryshe as ju beson kush, as ju mbështet kush e as ju pjerdh kush si opozitarë sado që të ulërini me flamur e pa flamur në qafë në çdo dalje tuajën si “opozitarë” me porosi ku një hajduti i hidhni molotov e një hajduti tjetër i shkelni syrin se ju ngroh xhepin./ CNA 





Lajmet e fundit nga