"Shkodra Tourism Awards"/ Vlerësohen bizneset që po forcojnë imazhin turistik të qytetit

24 Janar 2026, 16:16, Aktualitet CNA

"Shkodra Tourism Awards"/ Vlerësohen bizneset që po

Një mbrëmje gala që kishte në fokus vizionin dhe njerëzit që po e kthejnë Shkodrën çdo ditë e më shumë në një destinacion të dëshiruar turistik u zhvillua në ambientet e Teatrit “Migjeni” në Shkodër.

"Shkodra Tourism Awards"/ Vlerësohen bizneset që po

Nisma “Shkodra Tourism Awards”, nga Gentian Ferhati, ekspert i marketingut, medias dhe zhvillimit të imazhit turistik, vuri në qendër rolin e sipërmarrjes, inovacionit dhe bashkëpunimit institucional në zhvillimin e turizmit lokal.

"Shkodra Tourism Awards"/ Vlerësohen bizneset që po

"Sonte nuk jemi mbledhur thjesht për te ndarë çmime, jemi këtu për të reflektuar mbi një udhëtim si dhe për të motivuar një sektor që vitet e fundit po ndjek trendet bashkohore. Statistikat tregojnë një zhvillim të qëndrueshëm turistik. Një sinjal i fortë se qyteti po fiton besim si destinacion konkurues. Sot jemi për të festuar këte gjë",- tha Ferhati.

"Shkodra po kalon në momentet e saj më te mira për sa i përket pozitivitetit, energjisë, investimeve dhe zhvillimit ekonomik. INSTAT e ka nxjerrë Shkodrën në 2 nga qytetet me zhvillim më të madh në sektorin turistik. Po përqendrohemi në qytetin të gjelbër, zhvillim të alpeve, si dhe zhvillim të trashëgimisë kulturore. U jemi mirënjohës bizneseve sepse e dimë që pa ju është e vështirë për të patur arritje",-tha Rudin Beka, Nënkryetar i Bashkisë Shkodër.

Gjatë mbrëmjes u vlerësuan biznese dhe iniciativa që operojnë në fushat e turizmit, hotelerisë, kulinarisë, aventurës dhe inovacionit, si hallka thelbësore të një qyteti që di të mirëpresë dhe të ofrojë cilësi për vizitorët.

"Shkodra Tourism Awards"/ Vlerësohen bizneset që po

"Unë përsonalisht turizmin nuk e shoh vetëm si sipërmarrje dhe burim të ardhurash. E shoh si një lëvizje që mundet të bëjë bashkë të gjithë. Agroturizmi, sidomos ai rural, besoj që ia ka zbardhur faqen Shqipërisë e i ka dhënë promovim të jashtëzakonshëm ne mediat ndërkombëtare",-tha deputetja Marjana Koçeku.

"Shkodra është portë e hapur ndaj eksperiencave të paharrueshme. Është e vështirë të gjesh një turist që ka ardhur një herë edhe nuk ka dëshirë të rikthehet sërisht në Shkodër",-tha Prefektja e Qarkut Shkodër, Holta Duda.

Një moment i veçantë i mbrëmjes ishte ndarja e titullit të mirënjohjes për Universitetin e Shkodrës. Në fjalën e tij, rektori Tonin Gjuraj vlerësoi jo vetëm këtë iniciativë, por edhe rrugën e qartë që Shkodra ka marrë drejt zhvillimit të qëndrueshëm të turizmit.

"Shkodra Tourism Awards"/ Vlerësohen bizneset që po

"Mirënjohje për ju. Tashmë Shkodra e ka te qartë identitetin e vet turistik. Dhe nuk mendoj që është rastësi, por është një projekt i qartë dhe për këtë duhen falënderuar të gjithë aktorët pavarësisht këndvështrimeve që kemi",-u shpreh Gjuraj.

Gjithsej u ndanë 30 çmime, si shenjë mirënjohjeje për sipërmarrësit që investojnë me pasion, profesionistët që vendosin standarde të reja dhe idetë që e bëjnë Shkodrën më të vizitueshme, më të pëlqyeshme dhe më konkurruese në hartën turistike të vendit./CNA