E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

“Samiti është një mbështetje e madhe për shqiptarët”/ Berisha, mesazh falenderimi liderëve të BE-së

6 Dhjetor 2022, 13:37, Aktualitet CNA

“Samiti është një mbështetje e madhe për

Kreu i PD-së, Sali Berisha, në fjalën e tij para protestuesve u ka uruar mirëseardhjen liderëve europianë që marrin pjesë në Samit.

Sipas Berishës, Samiti është një mbështetje e madhe për shqiptarët.

“Mbi ngjarjen më të pakufishme, ju uroj me gjithë zemër mirëseardhjen më të larte liderëve europianë. Është e rëndësishme që t’u shprehim atyre mirënjohjen tonë të pakufishme, solidaritetin tonë për ndihmën që kanë dhënë në kaq dekada.

Samiti është një mbështetje e madhe për shqiptarët. Ky Samit është mbështetje për Partinë Demokratike, që ulërret për vlerat europiane që e do Shqipërinë si Europa.

Tri dekada më parë ne nisëm rrugën e demokracisë drejt Bashkimit Europian. Bujaria e kombeve dhe vendeve të huaja ka qenë e madhe. Falënderim për fondet që na kanë dhënë ndër vite”, ka thënë Berisha.

Deklarata e plotë:

Nga ky shesh, në Shqipëri dhe kudo që jeni, përshëndetjet më vëllazërore, mirënjohjen më të pakufishme.
Së pari, në emrin tuaj, më lejoni t’ju uroj me gjithë zemrën, mirëseardhjen në Tiranë, shtetarëve më të lartë të vendeve anëtare të BE.
Për ne, është një rast shumë i veçantë, që t’u shprehim atyre, vendeve të tyre mirënjohjen më të pakufishme për ndihmën e gjithanshme që i jepni shqiptarëve.
Prania e qeveritarëve më të lartë të BE është mbështetja më e madhe që vlerat evropiane në Shqipëri kanë marrë në vendin tonë.
Ky samit është një mbështetje e madhe për shqiptarët dhe PD-në, forcën politike që në betejë për vlerat evropiane, me moton: E duam Shqipërinë si Europa, përmbysi diktaturën komuniste.
Tre dekada më parë, ne nisëm rrugën e demokracisë si kombi i tretë më i varfër i planetit. Sot nga ajo kohë, të ardhurat janë rritur së paku 25 herë.
Bujaria e kombeve dhe vendeve tuaja, ka qenë e një rëndësie thelbësore në këtë arritje, ndaj dhe ne u mbetemi borxhli përjetë ju dhe taksapaguesve tuaj./CNA.al