web counter
LEXO PA REKLAMA!

SHKARKO APP

App Store
Google Play

"Sadushi u përdor politikisht, e bën për Veliajn"/ Juristja Gjikondi për standardet e paraburgimit

10 Mars 2026, 22:41, Aktualitet CNA

"Sadushi u përdor politikisht, e bën për Veliajn"/

Juristja Brizida Gjikondi  në një dalje televizive ka folur për ndryshimin e standardeve të paraburgimit nga Gjykata e Lartë.

Gjikondi tha se kryetari i Gjykatës së Lartë, Sadushi po përdoret politikisht dhe po e bën këtë për Veliajn.

Më tej, juristja deklaroi se vendimi i Gjykatës së Lartë është i padrejtë dhe kryekëput politik.

“Jam shumë e zhgënjyer nga Sadushi, nuk prisja të përdorej politikisht. Nuk besoj se e bën për një mori të madhe shqiptarësh që janë në paraburgim, nuk besoj se iu dhimbsen shqiptarëve. E bën për Veliajn dhe personazhe të tjerë të spikatur. Mendova që do vendoste interesat e Shqipërisë përpara të tij.

Mazhoranca dhe Rama kanë nisur një fushatë rezistence ndaj drejtësisë shqiptare, edhe kjo që po bën Sadushi është kryekeput për përfitim politik. Prej 30 vitesh shqiptarët e thjeshtë janë të mbivendosur në paraburgim. Jam e zhgënjyer nga zoti Sadushi, kryetari i Gjykatës së Lartë.

Në mes të lojës nuk mund të ndryshosh rregullat. Numrin më të madh të paraburgimeve nuk e ka vendosur SPAK, por e kanë vendosur prokuroritë e gjitha rretheve. Vendimi i Gjykatës së Lartë nuk është i drejtë. Asgjë nuk më ndalon të mendoj se është kryekeput politik”, tha Gjikondi./CNA





Lajmet e fundit nga