web counter
LEXO PA REKLAMA!

SHKARKO APP

E fundit!

x

Sa vite burg rrezikon Ilir Meta nëse shpallet fajtor?

22 Tetor 2024, 22:54, Aktualitet CNA
Sa vite burg rrezikon Ilir Meta nëse shpallet fajtor?
Kreu i PL-së, Ilir Meta

Kreu i PL-së, Ilir Meta u arrestua ditën e djeshme nën akuzat për pastrim parash, korrupsion dhe fshehje të pasurisë.

Ish-Prokurori Besnik Muçi ka treguar mbrëmjen e sotme sa vite burg rrezikon Meta nëse shpallet fajtor.

Ai deklaroi në emisionin “Quo Vadis” se me veprat penale mund të dënohet nga 5 deri në 15 vjet burg, por theksoi se fillimisht SPAK do të duhet të provojë akuzat.

"Ngjarja e djeshme të gjithëve na vë në një moment refleksioni. Akuzat të cilat i atribuohen, pasi ato janë vepra penale që dyshohet se i ka kryer, korrupsion pasiv dhe aktiv, pastrim parash është vepër e rëndë penale nga 5 në 15 vjet. Janë vepra jo shumë të rënda, por dhe jo të lehta. Sa mund të dënohet kush jurist e ka parasysh.

Por shumë thjeshtë për të folur. Por unë shoh që janë vepra të lidhura me detyrën. Janë vepra shumë të vështira për tu hetuar, sfidë shumë e vështirë e prokurorisë. Pavarësisht se si etiketohet zoti Meta përsëri ai ka qenë kryeministër,

President, kryetar parlamenti. Them sfidë pasi janë vepra që edhe duhen hetuar, nëse ka veprim apo mos veprim, dhe pjesa e përfitimit. Me aq sa pamë sot ka disa elementë që ngrenë dyshime serioze", theksoi Muçi./ CNA





Lajmet e fundit nga