web counter
LEXO PA REKLAMA!

SHKARKO APP

App Store
Google Play

E fundit!

x

Shqiptarët “pushtojnë” rrugët për Metën/ Tedi Blushi merr masa!

22 Tetor 2024, 19:40, Aktualitet CNA
Shqiptarët “pushtojnë” rrugët për Metën/
Fotomontazh - Ilir Meta

Ditën e djeshme, disa orë pas arrestimit të kreut të PL-së, Ilir Meta, sekretari i partisë së tij, Tedi Blushi doli në një konferencë për shtyp dhe na dha një lajm të madh.

Blushi na tha se qindra qytetarë ishin nisur menjëherë nga të katër anët e botës për të protestuar kundër arrestimit të Metës.

Për më tepër, ai na njoftoi se shqiptarët që po vinin për kreun e PL-së do t’i jepnin përgjigje shembullore kryeministrit Edi Rama.

Tashmë kanë kaluar më shumë se 30 orë nga arrestimi i Metës dhe nisja e mbështetësve nga të gjitha anët e botës.

Personat e nisur nga SHBA-ja duhet të kenë arritur që pas 12 orësh në Shqipëri, ndërsa po të marrim Australinë e largët, nuk duhet më shumë se 24 orë për të mbërritur në Tiranë.

Këta shqiptarë të nisur nga vende të ndryshme tashmë kanë mbërritur në Tiranë, ndaj edhe ne kemi një thirrje publike për Tedi Blushin.

Shqiptarët “pushtojnë” rrugët për Metën/
Tedi Blushi

I kërkojmë Tedi Blushit të marrë masat se njerëzit janë nisur nga e gjithë bota dhe do të bëjnë protesta të mëdha, greva, do të shkojnë dhe në protestën kombëtare të 29 tetorit që ka thirrur PD-ja.

Njerëzit do të pushtojnë rrugët, do të rrëzojnë edhe qeverinë, ndaj Blushi duhet të bëjë llogaritë për kaosin që po vjen, që në fakt nuk është gjë tjetër veçse një deluzion i sekretarit të PL-së.

Shqiptarët po vijnë në vendlindje për pushime, por Tedi Blushi ka nisur të ëndërrojë se janë për Metën.

Për t’i bërë qejfin Tedi Blushit po e llogarisim sikur këta shqiptarë kanë ardhur për Metën dhe do të “pushtojnë” rrugët e sheshet, ndaj dhe ai duhet të marrë menjëherë masat./ CNA





Lajmet e fundit nga