web counter
LEXO PA REKLAMA!

SHKARKO APP

App Store
Google Play

Blushi i Metës me gjuhë kriminale, kërcënon agjentët e BKH-së

22 Tetor 2024, 09:43, Aktualitet CNA

Blushi i Metës me gjuhë kriminale, kërcënon agjentët e

Sekretari i PL-së, Tedi Blushi, ka folur me një gjuhë kërcënuese dhe kriminale ndaj agjentëve të BKH-së dhe policëve që kryen një ditë më parë arrestimin e ish-Presidentit Ilir Meta.

Përmes një postimi në rrjetet sociale, Blushi i Metës i quan skuadër terroriste agjentët që prangosën Metën dhe shkruan me një gjuhë kërcënuese se kush mori pjesë në arrestimin e Metës do të ndëshkohet pa mëshirë.

Blushi thekson se, “Askush nuk do t'i shpëtojë ndëshkimit sipas përgjegjësive që ka pasur në këtë akt terrorist”.

“Skenari kriminal destabilizues për eliminimin fizik të Presidentit Ilir Meta dështoi!

Por skuadra terroriste që mori pjesë në rrëmbimin dhe dhunimin fizik të tij do të ndëshkohet pa mëshirë pavarësisht maskave në surrat!

Dhuna e ushtruar, siç provon qartë kjo video, nuk do të tolerohet dhe kurrë nuk do të amnistohet!

Partia e Lirisë është duke mbledhur informacion për emrat e të gjithëve terroristëve që nga dje e kanë personale me çdo shqiptar të ndershëm dhe patriot.

Me reagimin e sotëm provokues të zarit ordiner të Edi Ramës në krye të Narkoministrisë së Brendshme dhe avokatisë që i bëri skuadriljes terroriste është e qartë se gjithçka ka qenë e urdhëruar nga lart.

Askush nuk do t'i shpëtojë ndëshkimit sipas përgjegjësive që ka patur në këtë akt terrorist!”, shkruan Blushi./ CNA





Lajmet e fundit nga