E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

Tentativa për vrasjen e Xhevdet Plakut/ GJKKO dënon Kep Arapin, ish-shefin e Krimeve dhe 3 të pandehurit e tjerë

21 Tetor 2024, 18:26, Aktualitet CNA

Tentativa për vrasjen e Xhevdet Plakut/ GJKKO dënon Kep Arapin,

Gjykata e Posaçme e Shkallës së Parë për Korrupsionin dhe Krimin e Organizuar ka dhënë vendimin për disa nga të arrestuarit pas zbërthimit të aplikacionit Sky Ecc.

Mësohet se është dënuar me 5 vjet burg Rexhep Rapi (alias Kep Arapi), për tentativën e vrasjes së Xhevdet Plakut. Ai akuzohet kryerjen e veprës penale të “Sigurimi i kushteve dhe i mjeteve materiale për të kryer vrasje”, në dëm të shtetasit Xhevdet Plaku, kryer në formën e bashkëpunimit të veçantë atë të grupit të strukturuar kriminal, “Kryerja e veprave penale nga organizata kriminale dhe grupi i strukturuar kriminal”, si dhe “grup i strukturuar kriminal”.

Algert Rapi është dënuar me 4 vjet e 8 muaj burg për kryerjen e veprave penale të “Sigurimi i kushteve dhe i mjeteve materiale për të kryer vrasje”, në dëm të shtetasit Xh.P, kryer në formën e bashkëpunimit të veçantë atë të grupit të strukturuar kriminal dhe “grupi i strukturuar kriminal”.

Ish-shefi i Krimeve, Dedan Gjoni është dënuar me 4 vjet e 8 muaj burgim për kryerjen e veprave penale të “Sigurimi i kushteve dhe i mjeteve materiale për të kryer vrasje”, në dëm të shtetasit Xhevdet Plaku, kryer në formën e bashkëpunimit të veçantë atë të grupit të strukturuar kriminal, “Kryerja e veprave penale nga organizata kriminale dhe grupi i strukturuar kriminal” dhe “Grupi i strukturuar kriminal”.

Me 4 vjet e 8 muaj burg është dënuar edhe Dejvi Gjermëni, (alias Elton Gjermëni alias Elton Gjërmëni alias Sako Gjermëni), për kryerjen e veprave penale të “Sigurimi i kushteve dhe i mjeteve materiale për të kryer vrasje”, në dëm të shtetasit Xhevdet Plaku, kryer në formën e bashkëpunimit të veçantë atë të grupit të strukturuar kriminal, “Kryerja e veprave penale nga organizata kriminale dhe grupi i strukturuar kriminal” dhe “Grupi istrukturuar kriminal”./ CNA