E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Lala tregon detaje/ Si Meta ndihmoi Ismailajn të firmosë kontratën e mbledhjes së borxheve

21 Tetor 2024, 22:36, Aktualitet CNA

Lala tregon detaje/ Si Meta ndihmoi Ismailajn të firmosë

Gazetarja Klodiana Lala

Gazetarja Klodiana Lala dha detaje mbrëmjen e sotme në lidhje me akuzat e ngritura nga SPAK-ur për kreun e PL-së, Ilir Meta, për çështjen ÇEZ-DIA.

Lala tha në një dalje televizive se Meta ndihmoi biznesmenin Kastriot Ismailaj të lidhë kontrata për mbledhjen e borxheve të ÇEZ-it.

Ajo deklaroi se në muajt prill-gusht 2010, Meta dhe Ismailaj kanë shkëmbyer 115 telefonata ose mesazhe.

Sipas saj, për ndërhyrjen në lidhjen e kontratave kreu i PL-së ka përfituar shumën 649 milionë lekë.

“Njëra nga akuzat ka të bëjë me ÇEZ-DIA, ku ka patur edhe një biznesmen të dënuar, Kastriot Ismailaj. Pasi u kryen disa veprime, Romeo Kara, iu drejtua prokurorisë për krime të rëndë, dosja u regjistrua dhe pastaj u trashëgua në SPAK. SPAK ngre dyshime se ish presidenti, në atë kohë ish ministër i energjitikës, ka njohur biznesmenin Kastriot Ismailaj dhe ka ndihmuar të lidhë kontrata për mbledhjen e borxheve. Kompania ÇEZ lidhi kontratë me DIA për të mbledhur borxhet e prapambetura. Sipas SPAK ka dyshime që Meta për shkak të lidhjeve që ka patur me Kastriot Ismailaj ka ndërmjetësuar kontaktet mes ÇEZ dhe Kastriot Ismailaj.

Përdoret dëshmia e Jozef Hajsek dhe përgjimet e kryera nga ish-ministri Dritan Prifti. Janë bazuar në dëshminë e Vojsava Ismailaj, bashkëshortja e Kastriot Ismailaj. Është marrë dëshmia e shtetasit Elvis Mataj. Për të vërtetuar lidhjen me Ismailaj dhe Metës, në muajt prill-gusht 2010, Meta dhe Ismailaj kanë patur 115 telefonata ose mesazhe. Pretendohet se Meta ka përfytuar rryshfet nga ana e biznesmenit, prandaj është vepra penale e korrupsionit.

Sipas prokurorëve, është verifikuar rryshfeti dhe ka dyshime se për shkak të atributeve të Metës, sepse DIA nuk përmbushte kriteret, dhe pretedon se duke qenë se ka ndërhyrë në lidhjen e kontratave ka përfituar shumën 649 milionë lekë, pra kjo është shuma e kompanisë. Mes të tjerave përmendjen mesazhe mes Metës dhe Ismailaj, ku identifikohen numrat e të dyve dhe flitet për rreth 200 mijë euro. Zoti Meta pretendon se nuk ka lidhje, e njeh Ismailajn, por nuk ka patur asnjë rol. Një pretendim tjetër, ka të bëjë me udhëtimet dhe takimet në Vjenë, janë një sërë bashkëpunëtorësh të cilët përkojnë udhëtimet dhe akomodimet mes Metës dhe Ismailajt", theksoi gazetarja./ CNA