web counter
LEXO PA REKLAMA!

SHKARKO APP

App Store
Google Play

E fundit!

x

Rritja e çmimit të karburanteve/ PD propozon paketë ligjore

19 Mars 2026, 10:27, Aktualitet CNA

Rritja e çmimit të karburanteve/ PD propozon paketë ligjore

Deputeti i PD-së, Eno Bozdo, ka dalë në një deklaratë për mediat nga Kryesia e Kuvendit lidhur me rritjen e çmimit të karburanteve në vendin tonë.

Bozdo shprehet se Shqipëria është një nga vendet me barrën më të lartë fiskale mbi karburantin dhe si rrjedhojë ka edhe çmimet më të larta. Ai ka prezantuar edhe një paketë ligjore të propozuar nga PD-ja për të lehtësuar qytetarët dhe ulur çmimin e naftës.

Ndër të tjera ai foli edhe lidhur me menaxhimin e rezervave strategjike të naftës, ndërsa e cilësoi deklaratën e djeshme të kryeministrit Edi Rama si një provë e dështimit të qeverisë në këtë fushë.

“Për çdo litër naftë çdo qytetar i paguan 120 lekë taksa shtetit. Kjo e bën Shqipërinë një nga vendet me barrën më të lartë fiskale mbi karburantin dhe si rrjedhojë me çmimet më të larta të karburantit në Europë. Ndryshe nga Shqipëria vendet e BE-së ofrojnë shërbime publike të standardeve të larta, duke ua kthyer mbrapsht këto taksa qytetarëve në formë përfitimesh konkrete.

Përmes kësaj pakete ligjore, ne propozojmë: uljen e taksës së qarkullimit në nivelin që ka qenë në 2014, aplikimin e akcizës së ndryshueshme sipas praktikës së ndjekur nga Italia, ku teprica e TVSH-së nga rritja e çmimit të karburantit përdoret për uljen automatike të akcizës duke ofruar një mekanizëm të ndershëm dhe në dobi të qytetarëve.

Zbatimi i këtyre masave do të sillte ulje të menjëhershme të çmimit të naftës, nga 200 lekë në 175 lekë. Kjo do të ishte një lehtësim i madh i qytetarëve shqiptarë. Lidhur me menaxhimin e rezervave strategjike të naftës, aktualisht sipas deklarimeve publike, rezervat e naftës në Shqipëri mbulojnë vetëm 30 ditë konsum.

Ndërkohë që direktiva e BE-së kërkon mbulim për 90 ditë. Dje Edi Rama deklaroi se siguria energjetike është në rrezik. Kjo deklaratë është prova e dështimit të qeverisë në menaxhimin e këtyre rezervave. Ky fakt përbën shkelje të rëndë të angazhimeve të Shqipërisë në procesin e integrimit.

Vetëm në Shqipëri ndodh rritje ekstreme e çmimeve të naftës sapo ndodh një krizë ndërkombëtare. Paketa ligjore e propozuar nga ne është e aplikueshme në shumë vende të rajonit dhe BE-së. Miratimi i kësaj pakete është urgjente për qytetarët”, tha Bozdo. /CNA





Lajmet e fundit nga