web counter
LEXO PA REKLAMA!

SHKARKO APP

App Store
Google Play

E fundit!

x

Mungesa e përfaqësuesve në delegacionin për vizitën në Gjermani/ PD, akuza Peleshit

19 Mars 2026, 10:12, Aktualitet CNA

Mungesa e përfaqësuesve në delegacionin për vizitën

Partia Demokratike ka dalë me reagim lidhur me mungesën e dy përfaqësuesve të saj, Tomor Alizoti dhe Klevis Balliu, në delegacionin e kryetarit të Kuvendit gjatë vizitës në Gjermani.

Sipas PD-së, emrat e përfaqësuesve të Partisë Demokratike u hoqën qëllimisht për ta përjashtuar PD-në nga përfaqësimi institucional.

Më tej në reagim PD thekson se kjo sjellje nuk e pengon opozitën që të përfaqësohet në marrëdhëniet me partnerët ndërkombëtarë.

“Niko Peleshi, në një akt të paprecedentë për një kryetar Kuvendi, por të përsëritur prej tij, ka vendosur më pas pa asnjë arsye të përjashtojë grupin më të madh të opozitës në Kuvend nga delegacioni zyrtar i Kuvendit të Shqipërisë në Bundestag. Emrat e përfaqësuesve të Partisë Demokratike u hoqën qëllimisht për ta përjashtuar PD-në nga përfaqësimi institucional.

Fatkeqësisht, ky vendim tregon sa vite dritë larg standardeve demokratike të Bundestagut gjerman është sot drejtimi i mazhorancës parlamentare.

Trajtimi i opozitës si armik nuk e zhbën problemin kryesor të kësaj mazhorance: lidhjet me krimin e organizuar dhe mbrojtjen e korrupsionit përmes votës në Parlament. Dhe ndërkohë që flasin për anëtarësim në Europë, negociatat më të frytshme i bëjnë me skifterët e orëve të vjedhura nëpër Europë apo duke bashkëpunuar me organizatat më të rrezikshme kriminale në vend!", thuhet në reagimin e Grupit Parlamentar të PD-së.

Megjithatë opozita ka vijuar takimet e saj në Bundestag dhe në Qeverinë Federale Gjermane, në nivelet më të larta, të planifikuara më herët. Sipas Grupit Parlamentar ato po përfaqësojmë PD-në dhe Shqipërinë me dinjitet dhe me qëndrime të qarta për shtetin ligjor dhe integrimin europian./ CNA





Lajmet e fundit nga