web counter
LEXO PA REKLAMA!

SHKARKO APP

App Store
Google Play

E fundit!

x

Rrëshqitjet e tokës në Dragostunjë/ Eksperti gjeoteknik: Shkak i projektimit, shpyllëzimit dhe erozionit

24 Shkurt 2026, 10:09, Aktualitet CNA

Rrëshqitjet e tokës në Dragostunjë/ Eksperti gjeoteknik:

Eksperti i Gjeoteknikës, Rrahman Kola, ka komentuar sot situatën në zonën e Dragostunjës, ku ndodhi edhe rrëshqitja e njërës faqe të kodrës, e për pasojë u krijuan vështirësi të shumta në qarkullim.

Kola tregoi fillimisht se rreth 25 vite më parë, kur kompania ndërtuese hapi themelet e mureve mbrojtëse prej betoni, u vu re një sasi e madhe uji dhe paqëndrueshmëri e shkëmbinjve konglometarë.

“Aty në vitin 1999-2000, kur firma ndërtuese MAVROVA hapi themelet e mureve mbrojtëse të betonit, kishte sasi të madhe uji dhe blloqet e shkëmbinjve konglomeratë kishin paqëndrueshmëri për arsye të çarjeve dhe pjerrësisë 25-39 gradë (këndi i rënies në drejtim të lumit)”,-shprehet eksperti.

Rrëshqitjet e tokës në Dragostunjë/ Eksperti gjeoteknik:

Eksperti shton se edhe shpyllëzimi dhe erozioni i krijuar në shpatin e poshtëm kanë pasur ndikimin e tyre në këtë zhvendosje të tokës.

“Gjithashtu edhe në shpatin poshtë shpyllëzimi dhe erozioni bëjnë punën e vet nga prezenca e ujërave nëntokësore, vende-vende kemi edhe formacione të palidhura të cilat nga ngarkesa pësojnë zhvendosje sipas pjerrësisë së terrenit. Marrja e inerteve në lumë mbase ndikon, por shohim që nuk ka gërryerje në pjesën e shpatit. Hekurudha dikur ka pasur probleme aty, por vendi u mbush me gurë të mëdhenj. E njëjta situatë është edhe pa shkuar te stacioni i trenit në Xhyrë, por edhe aty u mbush me material drenazhues për të filtruar ujërat nëntokësore. Shohim shumë "kompetentë" që u ka ngelur në mendje fjala korrupsion, hajdut etj. Fizibilitetin e ka bërë ALTEA, ndërsa studimi gjeologjik i detajuar ka munguar”,-shpjegon Kola.

Rrëshqitjet e tokës në Dragostunjë/ Eksperti gjeoteknik:

Sipas Kolës, një faktor tjetër mund të jetë edhe bllokimi i kanalit natyror të ujërave të shiut, veçanërisht në një periudhë si e kohëve të fundit, me reshje intensive të shiut.

“Tombinat me diametra të vegjël, në vendet ku rrjedh uji i shiut. Me sa dallohet aty ndoshta prej qindra vjetësh rrjedh uji i shiut, zona që po rrëshqet është ndërmjet dy ''përrenjve''. Prandaj rruga e vjetër ka dy ura, ato me pika blu, edhe hekurudha poshtë ka 2 ura, ato me pika të verdha, të cilat tek rruga e re, me aq sa duket, njëra është bllokuar fare tek ura që po shembet (ajo me pikë blu të madhe), ndërsa tek tjetra kanë ndërtuar një tombino me diametër rreth 1 metër. E kemi dëgjuar dikur shprehjen ''Kurrë mos i blloko kanalet natyrore ku rrjedh uji i shirave'. Kjo periudhë ka pasur shira të fortë mbi normalen, dhe uji i shiut kur nuk gjen rrugë të lirë për të kaluar hyn nën tokë, dhe në atë rast shërben si zbutës dhe lubrifikues që shkakton rrëshqitjen e dherave ose shkëmbinjve, kjo është gjë që dihet”,-tha Kola.

Eksperti shtoi se jo më kot, rregulli i vjetër i inxhinierëve të projektimit kërkonte edhe një interesim më të gjerë te banorët e zonës që i dinë specifikat, ndryshe nga projektet kompjuterike që përdoren në ditët e sotme.

“Prandaj dikur para projektimit të rrugëve, inxhinierët përveç studimit të hartave pyesnin edhe banorët e zonës për specifikat e veçanta të terrenit. Tani bazohen shumë vetëm në projekte kompjuterike”,-sqaron eksperti./CNA

 





Lajmet e fundit nga