web counter
LEXO PA REKLAMA!

SHKARKO APP

App Store
Google Play

E fundit!

x

Rrëshqitjet masive/ Inxhinieri: Problem nga projektet që tenderohen pa studim gjeologjik

24 Shkurt 2026, 07:57, Aktualitet CNA

Rrëshqitjet masive/ Inxhinieri: Problem nga projektet që tenderohen pa

Inxhinieri Xhevair Ngjeqari komentoi rrëshqitjet masive që kanë ndodhur në disa zona të vendit, duke ndikuar edhe në akse të caktuara.

Në një dalje televizive, Ngjeqari theksoi se problemi kryesor është fakti që projektet që tenderohen, bëhen formalisht dhe në mungesë të një studimi gjeologjik.

Sipas inxhinierit, bëhet fjalë për fenomene që ndodhin, por që kërkojnë vëmendje nga shteti.

“Këto fenomene, rrëshqitje masive kanë ndodhur dhe do ndodhin, por vendi për të cilin u bë problem sot, është Gurët e Murrizit, 1.65 km mbi rrugën që del nga Dragostunja që takon korridorin qendror, strukturë që sheh nga verilindja dhe historikisht ka pasur probleme me rrëshqitje të kësaj natyre.

Nëse projektet tona do të kontrolloheshin, që nuk kontrollohen, do të kalonin të paktën 3 faza teknike sic bëheshin më parë, nuk do të kishim këtë çarje të rrugës dhe ajo urë s'do të ishte shembur. Por sot projektet që tenderohen, bëhen formalisht. Këto janë pjesë e mungesës së një studimi gjeologjik. Pra, koncepti që foli kryeministri që janë fatkeqësi natyrore, por nuk ka lidhje me këtë, një pjesë e tyre janë mungesë e kontrollit të projekteve.

Të ardhurat që sigurohen nga rrugët, janë baza që e mbajnë pushtetin, arsyeja që nuk ndahet infrastruktura nga shteti, janë përfitimet e mëdha që kanë nga tenderët”,-tha Ngjeqari./CNA

 





Lajmet e fundit nga