web counter
LEXO PA REKLAMA!

SHKARKO APP

App Store
Google Play

Gjyqi për ish-krerët e UÇK-së/ Bushati: Ndërhyrja e Trump, më tepër si mbështetje morale

23 Shkurt 2026, 22:48, Aktualitet CNA

Gjyqi për ish-krerët e UÇK-së/ Bushati: Ndërhyrja e

Analisti Andi Bushati tha sot se mënyra sesi po shkon procesi në Hagë ndaj katër ish-krerëve të UÇK-së nuk duket aspak e mirë.

I ftuar në ‘Syri Tv’, Bushati u shpreh se një përmendje e rastit nga presidenti amerikan Donald Trump, më tepër sesa ndërhyrje do të ishte një mbështetje morale para gjyqit të radhës.  

“Me sa duket, jo vetëm Hashimi po të katërt ata burra kanë marrë një rrugë të keqe, të paktën pa vajtur në një shkallë të dytë të gjykimi. Por problemi është, edhe kur ke marrë një rrugë të keqe, edhe kur e di që nuk e kthen kursin e një gjykate, qoftë dhe duke ndërhyrë te Trump, njerëz që kanë pasur poste të larta politike, përveç atij interesit të menjëhershëm të shpëtojnë ndonjë vit burg, ka nevojë edhe për një lloj mbështetje morale apo njohje të rolit të tyre. Dhe ti të jesh në burg në Hagë dhe të dëgjosh që diku larg në Ëashington, përpara presidentit të Shteteve të Bashkuara, ti amnistohesh për ato që ke bërë. Pra, për mua është më tepër një mbështetje morale sesa një akt diplomatik i Ramës, i cili të ketë aq fuqi bashkë me Vjosën sa ta detyrojnë Trump të ndërhyjë te Gjykata e Hagës. Kështu që e shoh thjesht, Rama merr aureolën e heroit që mbrojti komandantët, Hashim Thaçi, Kadri Veseli ndihen me satisfaksion moral, rezultati konkret është zero, po edhe kënaqësitë e vogla nganjëherë s'duhen përjashtuar pavarësisht se janë pa rezultat”,-tha Bushati./CNA

 





Lajmet e fundit nga