web counter
LEXO PA REKLAMA!

SHKARKO APP

App Store
Google Play

Çështja ‘Balluku’ në Kuvend/ Kikia: Zgjidhja me votë prodhon kosto të lartë politike

23 Shkurt 2026, 21:57, Aktualitet CNA

Çështja ‘Balluku’ në Kuvend/ Kikia: Zgjidhja me

Gazetari Mentor Kikia tha sot se trajtimi i çështjes së zëvendëskryeministres Belinda Ballukut në Kuvend do të sjellë padyshim kosto të mëdha politike.

I ftuar në emisionin ‘Now’, Kikia u shpreh se më problematike do të ishte një kosto që lidhet me Brukselin në kuadër të procesit të integrimit, pasi sipas tij, kostot e brendshme janë plotësisht nën kontroll nga kryeministri Edi Rama.

“Nëse parlamenti do të konsiderohej një gjykatë e madhe, atëherë askush nuk do t’i kërkonte përgjegjësi politike këtij parlamenti sepse gjykata nuk gjykohet. Unë mendoj se parlamenti mendon politikisht sepse këtë detyrë. Me përpjekjen për të zgjidhur me votë në parlament atë që nuk zgjidhi dot Gjykata Kushtetuese, patjetër që do të prodhojë kosto politike dhe besoj se ka filluar ta prodhojë. Ka dy lloj kostosh, e brendshme dhe e jashtme. Pastaj sesa përkthehet kjo në aksion politik brenda opozitës, kjo është tjetër gjë. Mund të prodhojë koston më të madhe që është me Brukselin, pasi këtu brenda Rama i kontrollon kostot. Është ndër kapitujt më të rëndëishëm ai i drejtësisë. Mazhoranca duhet të ecë në traun e ekuilibrit, por edhe për të ruajtur marrëdhënien me ndërkombëtarët”,-tha Kikia./CNA





Lajmet e fundit nga