web counter
LEXO PA REKLAMA!

SHKARKO APP

App Store
Google Play

Rrëmbimi i 34-vjeçarit/ Caktohet masa e sigurisë për bashkëpunëtorin e autorit, zbardhet dëshmia

10 Qershor 2026, 14:25, Aktualitet CNA

Rrëmbimi i 34-vjeçarit/ Caktohet masa e sigurisë për

Gjykata e Tiranës ka caktuar masën e sigurisë “arrest në burg” për shtetasin E. Z., 25 vjeç, i cili dyshohet si i lidhur me rrëmbimin e 34-vjeçarit, Eglant Koçi, në Tiranë.

Ai u arrestua për veprën penale “Përkrahja e autorit të krimit”, pasi ka dyshime se ka ndihmuar personin që ka marrë peng 34-vjeçarin.

Ndërkohë është zbardhur edhe dëshmia e 25-vjeçarit në sallën e gjyqit, ku është shprehur se nuk ka lidhje me ngjarjen.

“Punoj në lokalin e Armand Shakajt si kamerier. Ditën që thotë prokuroria e kam parë Eglantin kur ka hyrë në lokal sepse e njoh, më pas nuk e kam parë më, nëse ishte larguar apo jo. Ndërkohë Armand Shakaj më ka thënë që të fikja dritat e lokalit, për shkak se kishte për të nxjerrë një frigorifer, unë i kam fikur dritat. Të nesërmen Armandi më ka thënë që të shkoja të laja makinën në një vend larg andej diku nga fundi i bulevardit të ri. Kam shkuar atje dhe me ka kapur policia. Unë nuk kam lidhje më këtë ngjarje”, ka thënë ai.

Sipas raportimeve, burime pranë grupit hetimor bëjnë me dije se provat e mbledhura deri më tani, si ato rrethanore ashtu edhe shkencore, ngrenë dyshime se Koçi mund të jetë vrarë dhe më pas trupi i tij të jetë zhdukur.  /CNA





Lajmet e fundit nga