LEXO PA REKLAMA!

SHKARKO APP

App Store
Google Play

Rikualifikimi i Drilonit në Pogradec/ Kumbaro: Një pol i ri ekoturistik për gjithë qarkun e Korçës

16 Nëntor 2022, 16:10, Sociale CNA
Rikualifikimi i Drilonit në Pogradec/ Kumbaro: Një pol i ri
Niko Peleshi dhe Mirela Kumbaro në Drilon

Ministrja e Turizmit dhe Mjedisit, Mirela Kumbaro ka inspektuar punimet për rikualifikimin e parkut të Drilonit, pjesë e zonave të mbrojtura. E shoqëruar nga ministri Niko Peleshi, Kumbaro tha se ky do të jetë një pol i ri ekoturistik në Pogradec dhe në qarkun e Korçës.

“Ishim mësuar që në Drilon vihej për një shëtitje dhe për një drekë. Praktikisht këtu do të ofrohen atraksione që mund të qëndrohet dy-tre ditë, mund të qëndrohet në hotelet e zonës dhe të kalohet dita në gjithë këtë hapësirë”, u shpreh Kumbaro.

Ajo përmendi disa nga veçantitë që do të ofrojë zona si infrastruktura për xhiro me biçikleta, kullat e vëzhgimit për shpendët, vijat ujore që mund të përshkohen me varka, mjetet elektrike miqësore me mjedisin.

Rikualifikimi shtrihet në 170 hektarë të parkut dhe faza e parë e tij do të jetë gati për t’u aksesuar nga publiku në pranverë.

Projekti po zbatohet në bashkëpunim mes Agjencisë Kombëtare të Zonave të Mbrojtura dhe AADF. Të gjitha ndërhyrjet janë bërë me qëllim ruajtjen e mjedisit dhe biodiversitetit të zonës, si edhe do të pasohet nga një plan menaxhimi. Ky projekt lejon që vizitorët të mos shëtisin vetëm në pedonalen e Drilonit, por përmes kalimeve dhe urave të shkohet deri tek burimet e Drilonit dhe në Tushemisht./ CNA.al

Lajmet e fundit nga