web counter
LEXO PA REKLAMA!

SHKARKO APP

App Store
Google Play

Rasti i Murtajës në Postribë/ Shërbimi veterinar: Kafshët e infektuara do eleminohen

5 Qershor 2025, 14:39, Aktualitet CNA

Rasti i Murtajës në Postribë/ Shërbimi veterinar:

Pas rastit të parë me murtajë të ruminantët e vegjel në Postrribë, ka reaguar shërbimi kombëtar i veterinarisë.

Drejtori i saj Sulejman Kullolli nga Shkodra tha se krahas futjes në karantinë të fermës po bëhet edhe groposja e të imtave.

"Siç jeni në dijeni, për herë të parë në shqipëri u shfaq murtaja në një fshat në Postrribë. Kjo sëmundje u njoftua nga fermeri më datën 3 qershor.Ferma është vënë në karantinë. Sot bëhët eleminimi i krerëve dhe do izolohet zona në 3 dhr 10 km. Ndalohët lëvizja e kafshëve brenda territorit pra në Shkodër dhe Malësi e Madhe nuk lejohët lëvizja e kafshëve kjo për të parandaluar vazhdimin. Kjo sëmundje prek të imtat por nuk kërcenon shëndetin e njerëzve. Nga monitorimi kishim një indicie dje në një tjetër zonë. Ne u paraqitem në fermë por nuk u konstatuan shenja të kësaj sëmundje. Me masat kufizuese, kanë dalë masat përkatëse dhe me institucione dhe po ndalojmë lëvizjen e kafshëve", tha Sulejman Kullolli, drejtor i Përgjithshëm i Shërbimit Veterinar.

Kullolli mohoi faktin që mishi apo nënproduktet e fermës të kenë dalë në treg.

"Kemi të bëjmë me një fermë të vogël dhe nuk ka dalë as mishi e as qumështi i saj nuk ka dalë në treg. Nuk është sëmundje që transmetohet nga nënproduktet nëse zihet. Shërbimi veterinar ushtron kontrolle dhe nuk kemi konstatime për ferma të tjera. I bëj thirrje çdo fermeri që kur ka dyshime, menjëherë të lajmërojë shërbimin veteriner më të afërt"

Në Shkodër dhe Malësi të Madhe është e ndaluar aktualisht transporti dhe shitja e të imtave./ CNA





Lajmet e fundit nga