web counter
LEXO PA REKLAMA!

SHKARKO APP

App Store
Google Play

E fundit!

x

Raporti IBAR konfirmoi opozitën, jo qeverinë!

22 Maj 2026, 17:15, Aktualitet CNA

Raporti IBAR konfirmoi opozitën, jo qeverinë!

Deputeti i PD-së Belind Këlliçi ka reaguar pas publikimit të raportit të IBAR për Shqipërinë.

Deputeti thekson se çdo problematikë e evidentuar është një portret i kryeministrit Edi Rama.

Sipas Këlliçit, Brukseli konfirmoi shqetësimet e tezat e opozitës, jo e kundërta siç pretendon Edi Rama.

“Raporti IBAR konfirmoi Opozitën, jo qeverinë!

I fundit që mund të kërkojë lavdi e të rrahë gjoksin për integrimin është ai që ka krijuar problemet më madhore dhe pengesat në këtë proces.

Nëse Shqipëria bën një hap drejt BE, duke mbajtur në kurriz korrupsionin e qeverisë, lidhjet e saj me krimin e organizuar, pengimin e drejtësisë dhe grabitjen e zgjedhjeve, është vetëm për rrethana gjeopolitike.

Raporti i fundit i IBAR është një portret i Edi Ramës ku në çdo problem të evidentuar dallon një tipar të tijin, nga mbrojtja e Ballukut me kthimin e Kuvendit në bunker personal të tijin, te korrupsioni masiv, krimi i organizuar e rrjeti i patronazhistëve.

Qeveria dhe kreu i saj s'kanë asnjë arsye të sillen si triumfues, siç po bëjnë, por kanë detyra e kushte për të përmbushur!

E zezë mbi të bardhë, me gjuhë të drejtpërdrejtë si rrallë herë, Brukseli thjesht konfirmoi shqetësimet e tezat e Opozitës, jo e kundërta siç pretendon Edi Rama, i cili nuk i shpëtoi aspak gjykimit për krimet e tij.

Seanca tani filloi!

Asnjë tolerancë më për blerjen e votës, për kërcenimin e qytetarëve në zgjedhje, për aferat korruptive, për kërkesat e ardhshme të SPAK, për arrestim ministrash e ish-ministrash, për lidhjet me krimin.

IBAR ishte një akt-akuzë për Ramën, dhe një shans për Shqipërinë”, theksoi Këlliçi./ CNA





Lajmet e fundit nga