web counter
LEXO PA REKLAMA!

SHKARKO APP

App Store
Google Play

E fundit!

x

Konfindustria: Dukuri sistematike e përjashtimit të operatorëve të huaj nga tenderimi në Shqipëri

22 Maj 2026, 12:42, Aktualitet CNA

Konfindustria: Dukuri sistematike e përjashtimit të operatorëve

Konfindustria shqiptare ka ngritur sot shqetësimin për atë që e cilëson si dukuri sistematike e përjashtimit të operatorëve të huaj nga tenderimi në Shqipëri.

Përmes një reagimi, Konfindustria thekson se pengesat me akte nënligjore subjektive janë tërësisht kundër standardeve të procesit të integrimit në BE.

Konfindustria vlerëson se sektorët më të prekur janë përkatësisht: infrastruktura, energjia dhe teknologjia.

Reagimi i plotë:

Konfindustria vlerëson, se në prokurimet publike të organizuara nga agjencitë dhe kompanitë shtetërore është vështirësuar deri në pamundësi faktike pjesëmarrja e operatorëve të huaj në gara. Pengesat janë qartësisht të tipit të korrupsionit të “kapjes së shtetit/state capture” me akte nënligjore subjektive tërësisht kundër standarteve të procesit të integrimit në BE.

Shembull i qartë janë termat e referencave të vendosura në dy tenderat ndërkmbëtarë prej afër 70 milionë euro për projektet e “Bypass të Elbasanit” të përgatitura nga Autoriteti Rrugor Shqiptar. Në mënyrë absurde në afatin kufi prej 30 ditësh pjesëmarrësve të huaj u kërkohet si kushti detyrueshëm  pjesëmarrje në tender ekuivalentimi i licencave profesionale nga Ministria e Infrastrukturës dhe Energjisë.

Ndërkohë, vetë procesi kohor i shqyrtimit për ekuivalentimin paraprak të licencave tejkalon afatin e detyrueshëm të përcaktuar në termat e referencës. Përjashtimi i operatorëve të huaj prek drejtëpërdrejtë interesin publik, ekonominë kombëtare, shtim të ndjeshëm kostosh financiare deri në 2,3 herë më të shtrenjtë se BE.

Gjithashtu, shmangia e konkurencës ka si pasojë punime jashtë standarteve mjaft të dukshme në rënie rrugësh, tunelesh, etj.me qindra milionë dëme. Sa më sipër sjell deri në cënim të detyrimeve politike të Shqipërisë pjesë e rendesishme të integrimit në BE, duke e vështirësuar ndjeshëm vetë procësin. Sektorët më të prekur nga dukuria sistematike e përjashtimit të operatorëve të huaj nga tenderimi në Shqipëri janë përkatësisht: Infrastruktura( Autoriteti Rrugor, hekurudha, porte, etj), Energjia (OST, OSHEE, KESH), Teknologjisë (AKSHI)./CNA

 





Lajmet e fundit nga