E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Ishte pjesë e flotiljes humanitare të ndaluar nga Izraeli/ Aktivisti Baki Goxhaj kthehet në Tiranë

22 Maj 2026, 14:27, Aktualitet CNA

Ishte pjesë e flotiljes humanitare të ndaluar nga Izraeli/ Aktivisti

Aktivisti Baki Goxhaj është rikthyer në Tiranë. Goxhaj ishte në mesin e më shumë se 400 aktivistëve të ndaluar nga autoritetet izraelite në flotiljen humanitare që kishte destinacion Gazën. Ai u prit në aeroportin e Tiranës nga familjarët dhe të afërm të tij.

Në një deklaratë për mediat, Goxhaj ka treguar edhe si u bë pjesë e flotiljes humanitare dhe momentet e ndalimit nga autoritetet izraelite. Ai tha se janë mbajtur për dy ditë në një anije të madhe me kontejnerë dhe se ndaj tyre është ushtruar edhe dhunë.

“Unë jam nga Vlora dhe vitet e fundit jam angazhuar si aktivist për çështjen palestineze, për t’i dhënë fund gjenocidit dhe për zgjidhjen e kësaj çështjeje që po zgjat prej 80 vitesh si një plagë e hapur në botën moderne. Organizata që merret me organizimin e flotiljes është online dhe ka hapur aplikime për t’u bërë pjesë e flotiljes. Edhe unë, pasi u informova, ndoqa procedurat për t’u bërë pjesë e saj. Rreth 10 ditë më parë u nisëm. Ne ishim në ujëra ndërkombëtare kur pamë disa anije të mëdha dhe dy skafe të fuqishme që po afroheshin. Pavarësisht përpjekjeve për t’u larguar, nuk ishte e mundur. Duke u afruar, na kërcënuan dhe qëlluan me armë, nuk e di nëse ishin plumba të vërtetë. Hipën në anije, na lidhën duart të gjithëve, mua më lidhën edhe sytë, sepse isha pak i zëshëm duke kërkuar të na lironin. Na morën zvarrë dhe na çuan në një anije të madhe të sajuar me kontejnerë, ku kemi qëndruar 2 ditë e 2 net si bagëti. Në anije kishim vetëm ujë për të pirë dhe bukë të thatë. Kam qenë aty dhe e kam parë me sytë e mi, kam dëgjuar një vajzë palestineze jo shumë larg meje që më pas u dhunua. E kam parë gjithë skenën”, tha Goxhaj.

Aktivistët u ndaluan para disa ditësh në ujërat ndërkombëtare nga Izraeli, ndërsa dje u transportuan në Stamboll me tre aeroplanë të veçantë të Turkish Airlines. /CNA