web counter
LEXO PA REKLAMA!

SHKARKO APP

App Store
Google Play

Rama mburret me koncesionin e sterilizimit: Hetimi i SPAK-ut nuk e cenon aspak suksesin e kësaj nisme

29 Gusht 2023, 12:04, Aktualitet CNA

Rama mburret me koncesionin e sterilizimit: Hetimi i SPAK-ut nuk e cenon aspak

Kryeministri Edi Rama ka zhvilluar këtë të martë një inspektim në spitalin “Shefqet Ndroqi” në një nga 17 centralet e krijuara sipas tij, falë PPP-së së sterilizimit.

Rama shprehet se këto centrale kanë garantuar një standard krejt të ri sigurie për ndërhyrjet operatore, duke ulur në minimum fenomenin e vjetër të infeksioneve postoperatore si pasojë e mungesës së sterilizimit të vërtetë.

Ndër të tjera, Rama thekson se “hetimi i SPAK-ut për abuzime të mundshme në procesin e ndërtimit të këtij Partneriteti Publik Privat, nuk e cenon aspak suksesin e prekshëm të kësaj nisme madhore të qeverisë shqiptare për Rilindjen e Shëndetësisë.”

“Spitali Universitar 'Shefqet Ndroqi' - Në një nga 17 centralet e reja të krijuara falë PPP-së së sterilizimit, që kanë garantuar një standard krejt të ri sigurie për ndërhyrjet operatore, duke e kthyer njëherë e mirë faqen e turpit e të pasigurisë në sallat e operacioneve, duke ulur në minimum fenomenin e vjetër të infeksioneve post-operatore si pasojë e mungesës së sterilizimit të vërtetë, si edhe duke i kursyer shtetit dhjetëra miliona euro nga ulja e ditëve të qëndrimit në spitale pas operacioneve????

Hetimi i SPAK-ut për abuzime të mundshme në procesin e ndërtimit të këtij Partneriteti Publik Privat, nuk e cënon aspak suksesin e prekshëm të kësaj nisme madhore të qeverisë shqiptare për Rilindjen e Shëndetësisë, por siguron që askush të mos mbetet i pandëshkuar nëse ia bën me hile shtetit dhe popullit shqiptar, duke nxjerrë përfitime vetjake të paligjshme gjatë kryerjes së detyrës në punën për qëllimin e përbashkët”-shkruan Rama./CNA





Lajmet e fundit nga