web counter
LEXO PA REKLAMA!

SHKARKO APP

App Store
Google Play

Projektligji për studentët e mjekësisë/ Kushi: Nuk është antikushtetues, kemi nevojë për burime njerëzore

20 Korrik 2023, 21:13, Aktualitet CNA

Projektligji për studentët e mjekësisë/ Kushi: Nuk

Ministrja e Arsimit, Evis Kushi është shprehur se projektligji i cili kufizon studentët e sapodiplomuar në mjekësi me 5 vite në tërheqjen e diplomës, është në përputhje me kushtetutën.

Gjatë fjalës së saj në Kuvend Kushi tha se ligji është mekanizëm për të plotësuar nevojat për mjekë dhe specialistë.

 

“Dua ta theksoj, ligji nuk është antikushtetues. Nuk detyron askënd, u jep mundësi që studentët të zgjedhin. Marrëveshjen e shkruajnë ata që e ndjejnë, që pas diplomimit të punojnë në Shqipëri. Thelbi është të mbështesim më shumë ata që qëndrojnë në Shqipëri. Ligji jo vetëm që s’është antikushtetues, ligji është mekanizëm që ne të përmendim detyrimin kushtetues për të plotësuar nevojat për mjekë dhe specialistë. Të plotësojmë nevojat për burime njerëzore.

Shërbimi që marrin sot qytetarët është shumë herë më i mirë nga ai çfarë bëhej para shumë vitesh, por gjithashtu e vërtetë që kemi ende punë për të bërë. Fenomeni i largimit të mjekëve është realitet jo vetëm për Shqipërinë por edhe për rajonin e vendet e BE. Janë 1200 mjekë që janë diplomuar në Shqipëri por që punojnë në institucione shëndetësore të BE apo të OECD. Pra është 20%. Për çdo 10 studentë që diplomohen, 2 prej tyre largohen.”-tha Kushi./CNA.al





Lajmet e fundit nga