web counter
LEXO PA REKLAMA!

SHKARKO APP

App Store
Google Play

Podcasti "Ndryshe, por bashkë"/ Nëna e dy djemve me spektrin e autizmit: Nuk i pranonin në kopsht

9 Qershor 2026, 17:14, Aktualitet CNA

Podcasti "Ndryshe, por bashkë"/ Nëna e dy djemve me spektrin

E ftuar në episodin e sotëm të podcastit “Ndryshe, por bashkë”, nga terapistja Debora Zelaj, ka qenë e ftuar Valentina Kondaj, nëna e dy djemve 27-vjeçarë me autizëm.

Duke folur për djemtë e saj, Valentina tregon se dy djemtë e saj janë tipe të kundërt. Më tej, ajo tregi se e kishte kuptuar që djemtë e saj ishin me spektrin e autizmit që në moshë të vogël, ku pikasi se diçka nuk ishte në normalitet te fëmijët e saj.

Gjatë rrëfimit të saj, Valentina Kondaj tregoi dhe vështirësitë e saj për shkollimin e fëmijëve, ku tha se nuk i pranonte kopshti dhe iu desh të gjente një shkollë speciale.

 

“Janë dy tipe të kundërta dhe pse binjakë. Njëri më i qetë dhe më i ndjeshëm, tjetri më impulsiv. Që në moshë të vogël e shihja që diçka nuk po ecte në normalitet. Më shqetësonte pjesa e të folurit, filluam të bënim të gjitha ekzaminimet. Nuk i pranonin në kopsht kisha vështirësi, megjithatë gjeta një shkollë speciale dhe nisën klasën e parë. Ata nuk flasin të dy. Informacion nuk kisha, por duke jetuar me ta mësova t’i kuptoj.

Të dy janë të ndryshëm në aftësitë e tyre për të mësuar. Mateo menaxhohet më kollaj, Mario është më i vështirë”, u shpreh Valentina Kondaj.





Lajmet e fundit nga