Plehra e mungesë dritash/ Tirana, “Kryeqyteti i Europës së Ballkanit”

15 Tetor 2023, 22:54, Aktualitet CNA

Plehra e mungesë dritash/ Tirana, “Kryeqyteti i Europës së

Foto nga 'Piramida', Tiranë

Gazetarja Sonila Meço ka ndarë në rrjetet sociale foto të marrë tek kryqëzimi i Kishës Katolike, në Rrugën e Kavajës.

Ajo tregon sesi Tirana, “Kryeqyteti i Europës së Ballkanit”, që me krenari po përmendet këto orë në krekosje mediatike nga pushteti është I mbytur nga plehrat.

“S’di ç’kutërbon më shumë, kjo pamje e përsëritur mbrëmjes së qytetit mikpritës të Samitit të Procesit të Berlinit, apo vendi ku do të mbahet nesër Samiti”, shkruan Meço në rrjetet sociale.

Plehrat tek rruga e Kavajës

“Kryeqyteti i Europës së Ballkanit”, kësisoj me krenari po përmendet Tirana këto orë në krekosje mediatike nga pushteti.

Po në këto orë, tek kryqëzimi i Kishës Katolike, puqur saj, në Rrugën e Kavajës kutërbimi i ndyrë nuk kursen as fëmijët, që luajnë pranë, as të moshuarit, që dalin për pak ajër falë tetorit të ngrohtë, as dlirësinë e shtëpisë së Zotit atypari, as turistët në një nga rrugët kryesore të qytetit, as zonjat delikate me stiletot e mëndafshin trupit për një festë matanë rrugës kryesore…mbi të gjitha mushkëritë e shëndetin tonë, për të cilin s’ka mbetur më pikë respekti në këtë vend, si edhe për jetën xhanëm…

Diferencimi, incenerimi, tjetër mesele. S’di ç’kutërbon më shumë, kjo pamje e përsëritur mbrëmjes së qytetit mikpritës të Samitit të Procesit të Berlinit, apo vendi ku do të mbahet nesër Samiti. Për ters edhe data nuk ngushëllon…” tha Meço.

Gjithashtu mbrëmjen e kësaj të djele ndriçimi ka munguar në disa rrugë.

Më poshtë janë disa foto të marra në kryeqytet ku ka pasur mungesë të ndriçimit./ CNA

Plehra e mungesë dritash/ Tirana, “Kryeqyteti i Europës së