Pastori nga Korça rrëfen momentet e panikut në Izrael/ “Në mëngjes herët nisën sirenat, vrapuam për tek dhomat e sigurisë”

15 Tetor 2023, 16:16, Aktualitet CNA

Pastori nga Korça rrëfen momentet e panikut në Izrael/

Pastori Vaso Vreshtulla

Lufta në Izrael do të mbetet gjatë në kujtesën e pastorit Vaso Vreshtulla nga qyteti i Korçës. Një udhëtim i nisur për një festë, i cili përfundoi me shumë ankth e frikë për pastorin dhe bashkëshorten e tij. Vetë ai ka treguar përjetimet e asaj dite, bashkë me përpjekjet për t'u larguar sa më parë prej vendit, ndërsa lanë pas shumë familje që ende sot e kësaj dite jetojnë në luftë.

Pastori tregon arsyen e vizitës së tij të radhës në Izrael, dhe thekson vlerat turistike që ky vend ka.

Pastori nga Korça rrëfen momentet e panikut në Izrael/

“Unë kam qenë atje shumë herë por asnjëherë nuk e kam parë Izraelin më përpara se të ndodhte ky sulm kaq shumë duke festuar në një formë të tillë që nuk e kuptoje se ishe në Izrael. Më përpara kur shkoje e vije re këtë praninë e policisë, ushtrisë, këtë radhë ishe shumë ndryshe. Sshtu si mua na u bë qejfi të gjithëve që Izareli arriti të ishte në këtë ditë që mund të ishte njësoj si të gjithë popujt e tjerë në Europë.

Izraelis sot nga ana e turizmit është një nga vendet më të bukura në botë por edhe pjesët më interesante në lidhje me fenë. Atje ka një turizëm shumë të veçantë në lidhje me fenë sepse atje ka të krishterë , ka muslimanë, ka gjithashtu edhe hebrenj që shkojnë, edhe hindu kam parë që kanë shkruar kanë bërë pelegrinazhin.

Këtë radhë unë e bashkëshortja shkuam në një festë që është biblike por përfshihen dhe kombe të tjera. Ishim me një grup të madh nga 95 vende në botë. Po festonim në qytete të ndryshme. Dy ditë para se të niste sulmi ne ishim në vendin ku është marrë peng sot nga terroristët. Ishte marrë peng”, tha ai.

Nisja e sulmeve me raketa filloi pikërisht 2 ditë pas qëndrimit të tyre në Jeruzalem. Fillimisht, zhurmat e para që u dëgjuan ishin fenelinat e policisë, ato çka jepnin alarmin se diçka nuk shkonte. E më pas, zhurmat e raketave në ajër.

Pastori nga Korça rrëfen momentet e panikut në Izrael/

“Ishim duke festuar edhe ditën e shtunë kur ndodhi sulmi ishim në Jeruzalem, si fillim dëgjova sirenat në 8 të mëngjesit dhe mendova se po rregullonin sistemin e alarmit.

Kur gjendja filloi të bëhej serioze, njerëzit nisën të dalin nga dhomat e tyre me vrap, kërkonin fëmijët , kërkonin njëri-tjetrin, donin të vraponin drejt vetëstrehimit.

Bashkë me bashkëshorten na u desh të vraponim drejt vendstrehimit ashtu siç ishim.

Ishte një ndjenjë që nuk do ta harroj kurrë në jetën time. Se kisha përjetuar ndonjëherë mëngjesin e luftës ose siç kemi ne atë filmin “Mëngjese lufte”", tha pastori.

Pastor Vaso ka treguar ndjesitë e përjetuara në ato orë qëndrimi në vendstrehim, duke thënë se shumë familje me fëmijë nuk gjenin dot zgjidhje për t'u mbrojtur.

"Për mua ashtu ishte. Ishte shumë stres, shumë panik, shumë frikë , të dëgjoje predhat afër teje dhe të shikoje familjet të vraponin, fëmijët, nuk ishte një gjë e bukur për t’u parë.

Ne kemi ndenjur për 6 orë në vendstrehim. Por alarmi vazhdonte dhe vazhdonte dhe na u desh të rrinim atje pothuajse 5 ose 6 orë.

Kam parë familjet, nënat me fëmijë që vinin strehoheshin. Në ditët e tyre më të errëta shkonin lexonin biblën, shkrimin e Perëndisë.

Kjo ishte shumë e bukur dhe mësim i madh për mua”, tha pastor Vaso.

Fatmirësisht për pastorin dhe bashkëshorten e tij, u gjet zgjidhja, siç e thotë dhe ai nga ndihma e Zotit, dhe thekson një fakt interesant, se të gjithë familjet në vendstrehim lexonin biblën. Po ashtu edhe situata në aeroport ishte kaotike.

Pastori nga Korça rrëfen momentet e panikut në Izrael/

“Ne atë mëngjes kishim fluturime në darkë dhe pasdite morëm vesh që u anulua dhe ne u dorëzuam.

Si besimtarë të krishterë iu lutëm Perëndisë që të na hapte një rrugë. Më mori një zonjë që unë ende nuk e kam takuar që është nga Selaniku . Ajo më mori dhe më tha duhet të largohesh tani nga Izraeli. Duhet të porosisje një taxi 24 orë para për të shkuar në aeroport.

Po lutesha që Zoti të na hapte ndonjë rrugë dhe në ato momente erdhën disa miq të huaj dhe më thanë ke dëshirë të vish në aeroport.

Kur kemi shkuar në aeroport atje kam parë një kaos të vërtetë. Një gjë që nuk do ta harroj kurrë e kam përjetuar në 97 dhe mu rikthye përsëri ai emocion”, tha pastori./ CNA