LEXO PA REKLAMA!

SHKARKO APP

12 viktima nga përmbytjet në Greqi/ Rama mesazh ngushëllimi, thirrja për emigrantët shqiptarë

10 Shtator 2023, 14:41, Aktualitet CNA

12 viktima nga përmbytjet në Greqi/ Rama mesazh ngushëllimi,

Kryeministri Edi Rama ka reaguar për situatën nga përmbytjet në shtetin fqinj, në Greqi si dhe ka shprehur ngushëllimet për familjarët e viktimave që kanë humbur jetën.

Më tej Rama bën me dije njoftimin e ambasadës shqiptare në Athinë se qytetarët që ndodhen në zonat e prekura mund të kontaktojnë në Njësinë për Menaxhimin e Emergjencave Civile të Ministrisë së Krizave Klimatike dhe Mbrojtjes Civile të Greqisë, në numrin e aktivizuar të telefonit 112, i cili është vënë në dispozicion të shtetasve që kanë nevojë për ndihmë.

Gjithashtu u ka bërë thirrje emigrantëve shqiptarë të prekur nga përmbytjet në zonat problematike të Greqisë se për çdo nevojë t'i drejtohen ambasadës përmes numrit të emergjencës që është në dispozicion të qytetarëve 24/7.

Përmbytjet e mëdha shkatërruese në shumë rajone të Greqisë kanë shkaktuar humbje jetësh dhe dëme të mëdha. Keqardhje e madhe për jetët e humbura, ngushëllime vëllazërore familjeve të tyre dhe solidaritet i megjithëzemërt me të gjithë të prekurit nga kjo fatkeqësi e jashtëzakonshme natyrore.

Ambasada jonë në Athinë njofton se qytetarët që ndodhen në zonat e prekura, mund të kontaktojnë drejtpërdrejt me Njësinë për Menaxhimin e Emergjencave Civile të Ministrisë së Krizave Klimatike dhe Mbrojtjes Civile të Greqisë, në numrin e aktivizuar të telefonit 112, i cili është vënë në dispozicion të shtetasve që kanë nevojë për ndihmë.

Gjithashtu, iu bëjmë thirrje të gjithë qytetarëve shqiptarë të prekur nga përmbytjet në zonat problematike të Greqisë se për çdo nevojë t'i drejtohen Ambasadës sonë përmes numrit të emergjencës 0030-6941658183, në dispozicion të qytetarëve 24/7 dhe në adresën e email-it [email protected] “, shkruan Rama./ CNA

Lajmet e fundit nga