web counter
LEXO PA REKLAMA!

SHKARKO APP

App Store
Google Play

E fundit!

x

Përkujtimi i Konferencës së Pezës/ Alimadhi: Turp Bashkia e Tiranës, 16 shtatori rrjedh gjak shqiptarësh

17 Shtator 2025, 14:25, Aktualitet CNA

Përkujtimi i Konferencës së Pezës/ Alimadhi: Turp Bashkia e

Kryetari i Partisë Balli Kombëtar, Adriatik Alimadhi, ka denoncuar ceremoninë e mbajtur në Pezë, të martën, në 83-vjetorin e Konferencës së Pezës.

Përkujtimi i Konferencës së Pezës/ Alimadhi: Turp Bashkia e

Alimadhi shkruan se Peza kullon gjak shqiptarësh të pafajshëm dhe akuzon Bashkinë e Tiranës dhe Partinë Socialiste se po tallen me 6000 viktimat e pafajshme. Kreu i PBK-së u bën thirrje organizatorëve të mos mburren mbi viktimat që dhanë jetën për Shqipërinë demokratike pasi në 35 vite nuk është bërë asgjë.

 

"Bashkia Tiranë, me një grup komunistësh dhe bijtë e tyre, përkujtuan më 16 shtator Konferencën e Pezës.

Peza, që kullon gjak të pastër shqiptarësh të pafajshëm, shihni bijtë e ish-partisë kriminale komuniste, sot Partia Socialiste, nga e cila u vranë mbi 6000 shqiptarë atdhetarë dhe patriotë, që e deshën Shqipërinë pa komunizëm, pa diktaturë; që deshën një Shqipëri të lirë dhe demokratike; që deshën një Shqipëri etnike, të bashkuar dhe të vëllazëruar.

Sa turp! Një tufë hajdutësh tallen me shqiptarët. Turp, ku kryehajduti i tyre ndodhet në burg, dhe edhe pas 35 vitesh nuk është bërë një histori reale, e drejtë dhe e barabartë, për të gjetur mundësinë dhe rrugën e pajtimit kombëtar midis shqiptarëve. Përkundrazi, i bëjnë karshillëk atyre familjeve që u vranë nga kriminelët komunistë dhe partizanë, për një Shqipëri demokratike.

Festoni, por jo duke u mburrur mbi viktimat e pafajshme që dhanë jetën kundër diktaturës komuniste. Keni 35 vjet që bëni sikur keni ndëshkuar komunizmin, por hidhni valle duke poshtëruar pjesën tjetër të shqiptarëve, ata që e deshën më shumë se ju Shqipërinë dhe shqiptarët.

E kush po e shijon? Hajdutët, të pabesët, të shiturit, vrasësit, përçarësit, që shkatërruan truallin shqiptar. Kjo është padrejtësi historike. Pajtimi kombëtar nuk do të ketë vend në këtë Shqipëri të mjerë, dhe shqiptarët do të vazhdojnë të jenë të ndarë.

Turp për këtë klasë politike 35-vjeçare, vazhdimësi e mendësisë komuniste!"/CNA

 

 

 

 

 

 

 

 

 

 

 





Lajmet e fundit nga