web counter
LEXO PA REKLAMA!

SHKARKO APP

App Store
Google Play

Pelegrinazhi në Malin e Tomorrit/ Baba Mondi: Kryegjyshata Botërore ka marrë masa

19 Gusht 2024, 13:52, Aktualitet CNA
Pelegrinazhi në Malin e Tomorrit/ Baba Mondi: Kryegjyshata Botërore ka
Haxhi Dede Edmond Brahimaj

Pelegrinazhi në Malin e Tomorrit ka nisur në 15 gusht dhe do të vijojë për 5 ditë me radhë, ndërsa kulmi i festimeve do të jetë në 22 gusht.

Për organizimin e këtij pelegrinazhi, Kryegjyshata Botërore ka marrë masat për të gjithë besimtarët.

Kryegjyshi i Bektashive, Haxhi Dede Edmond Brahimaj, tha se janë në shërbim të qytetarëve. Po ashtu, Baba Mondi u bëri thirrje të gjithë besimtarëve që të kenë kujdes me zjarret gjatë kohës që ndezin qirinj.

“Kryegjyshata ka marrë masat e duhura këto ditë. Ne gjithë këto kohë të zhvillimit të pelegrinazhit kemi siguruar rrugë automobilistike, kemi siguruar ujë dhe gjera sanitare për t'i ardhur në ndihmë popullit.

Janë marrë masa për t'i pritur ata në restorante dhe bare, për të bërë çdo gjë që ata ta ndiejnë veten si në shtëpinë e tyre.

Kryegjyshata botërore ka marrë masa për t’i mbajtur gjallë këto ditë të gëzuara të Abaz Aliut. Do ketë personalitete të ndryshme që do japin shfaqje, sic janë Kastriot Tusha, Dritan Boriçi, Bujar Asqeriu dhe të tjerë që vijnë për nder të Abaz Aliut.

Lutemi të gjithë besimtarëve që të kenë kujdes me zjarret kur të ndezin qirinj. Janë marrë masa edhe për pjekjen e mishit. Pra, Kryegjyshata është në ndihmë të njerëzve. Kemi marrë masa që çdo gjë të shkojë me paqe dhe dashuri”, tha ndër të tjera Baba Mondi.

Gjatë 5 ditëve të pelegrinazhit, në Teqenë e Kulmakut dhe pranë varrit të Abaz Aliut kryhen ritet fetare të festës, ku çdo pelegrin falet për shëndetin dhe paqen në familjet e tyre./ CNA





Lajmet e fundit nga