web counter
LEXO PA REKLAMA!

SHKARKO APP

App Store
Google Play

Shuhen pjesa më e madhe e zjarreve në vend/ 3 vatra, ende aktive

19 Gusht 2024, 10:01, Aktualitet CNA

Shuhen pjesa më e madhe e zjarreve në vend/ 3 vatra, ende aktive

Rreshjet e shiut ditën e djeshme kanë ndihmuar në shuarjen e zjarreve të shumta në vendin tonë.

Këtë të hënë situata paraqitet më e qetë, e ndihmuar edhe nga kushtet atmosferike, me uljen e temperaturave si dhe praninë e reshjeve të shiut në shumë zona.

Gjatë 24 orëve të fundit, nga 31 vatra zjarri të raportuara, 28 janë shuar plotësisht, ndërsa vetëm 3 vatra mbeten ende aktive.

Ministri i Mbrojtjes, Pirro Vëngu, bën të ditur se aktualisht vatrat në Arrëz të Kukësit, në Fushë-Lugje të Mirditës dhe në Buçaj të Shkodrës janë të izoluara, pa rrezik përhapjeje.

“Pas shumë javësh betejë me zjarret që përfshinë shumë territore të vendit tonë, sot situata paraqitet më e qetë. Gjatë 24 orëve të fundit, nga 31 vatra zjarri të raportuara, 28 janë shuar plotësisht, ndërsa vetëm 3 vatra mbeten ende aktive.

Aktualisht, vatra në Arrën të Bashkisë së Kukësit, ajo në Fushë-Lugje të Mirditës dhe vatra në Buçaj të Shkodrës janë të izoluara pa rrezik përhapjeje dhe po monitorohen për të shmangur çdo mundësi riaktivizimi.

Mirënjohje për të gjitha strukturat operacionale, të Emergjencave Civile, që nga zjarrfikësit, efektivët e Forcave të Armatosura, Policinë, Shërbimin Pyjor, Zonat e Mbrojtura dhe vullnetarët për punën e palodhur dhe angazhimin maksimal. Përkushtimi i tyre i përbashkët ka qenë vendimtar në minimizimin e dëmeve dhe mbrojtjen e jetës dhe pronës së qytetarëve”, thekson Vengu./ CNA





Lajmet e fundit nga