E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

"PD nuk ka figura për Tiranën, Binaj mund të rezultojë i suksesshëm si Zelensky"/ Fevziu: Manastirliu, zgjedhje unifikuese

27 Tetor 2025, 21:48, Aktualitet CNA

"PD nuk ka figura për Tiranën, Binaj mund të rezultojë

Gazetari Blendi Fevziu ka analizuar garën për Bashkinë e Tiranës ku kandidojnë përballë njëri-tjetrit kandidatët Florjan Binaj që mbështetet nga opozita, Ogerta Manastirliu e Partisë Socialiste dhe kreu i Lëvizjes "Bashkë" Arlind Qori.

I ftuar në emisionin “Të Paekspozuarit” me gazetarin Ylli Rakipi gazetari deklaroi se opozita mbështeti Binajn sepse nuk kishte asnjë mundësi tjetër për të kandiduar.

"PD sot, nuk ka ndonjë figurë që mund të kandidojë në Tiranë. Luçiano Boci, ka jetuar në Elbasan, nuk e vë dot në Tiranë kandidat. Bylykbashi, ka jetuar në Durrës. Gjekmarkaj ka jetuar në Tiranë, por është shumë i lidhur me Lezhën".

Fevziue krahasoi me presidentin e Ukrainës Volodymyr Zelensky dhe tha se në fillim mendonin se ishte karagjoz por doli një figurë e suksesshme.

"Një provë e kemi, që dukej qesharake në fillim, por kemi provën e Zelensky-t. Kur filloi lufta në Ukrainë, një nga shefat e rëndësishëm të pi-arit në Europë, më thonë, imagjino sa e tmerrshme është, Ukraina kërcënohet nga Rusia dhe ka President një karagjoz. Në fakt, Zelensky rezultoi një figurë e suksesshme. A do të jetë Binaj? Nuk e dimë këtë. Në fund të fundit, edhe Rama nuk ishte ndonjë politikan i rëndësishëm kur erdhi. Kishte mbajtur qëndrime politike, por piktor ishte".

Gazetari Fevziu tha se Manastirliu është një figurë e evidentuar politikisht pasi është ministrja më jetëgjatë dhe zgjedhja e Ramës është e unifikuar me strukturat.

"Ndërsa te PS ka figura që mund të përdorësh, mund të vendosësh Blendi Klosin, figura të tjera, ka më shumë njerëz që kanë një lidhje me qytetin.

Ndërsa Manastirliu ka strukturën e PS, është 10 vite ministre, ndoshta ministrja më jetëgjatë në Shqipëri që mbaj mend. Ka administruar Covid-in, ka punuar ministre arsimi, pa ndonjë produkt të madh aty, sepse te Shëndetësia ishte pandemia, prandaj u evidentua aty. Është figurë e rëndësishme në PS, ndër besniket e forta të Ramës sepse vjen nga grupi i vogël i Bashkisë së Ramës. Rama ka bërë zgjedhje për të unifikuar strukturën e partisë, për të mbajtur të lidhur edhe njerëzit që mund të ishin besnikë të Veliajt. Ajo shihet si garante edhe për grupin e Veliajt", deklaroi Fevziu./CNA