E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

“PD-ja e Gjirokastrës të reformohet”/ Telnis Skuqi kërkon largimin e menjëhershëm të Tritan Shehut dhe Dashnor Alikos

14 Nëntor 2022, 20:07, Politikë CNA

“PD-ja e Gjirokastrës të reformohet”/ Telnis Skuqi

Gazetari Telnis Skuqi ka deklaruar se ata që shkërmoqën PD-në në katër zgjedhjet e fundit nuk mund të jenë zgjidhja.

Sipas gazetarit kjo është arsyeja që elektorati i djathtë dhe gri në jug të Shqipërisë nuk beson te vizioni i humbësve.

Në një postim në rrjetet sociale, gazetari shprehet se PD-ja e Gjirokastrës duhet të kishte promovuar të paktën pesë emra për zgjedhjet vendore, por po tregohet se është totalisht e vjetëruar dhe jashtë realitetit.

Gazetari nënvizon se nuk ka asnjë ndryshim nëse përfaqësuesit politik që janë caktuar nga Lulzim Basha që në vitin 2014, vazhdojnë të qëndrojnë edhe sot në PD.

Këtu përmend dy emra Tritan Shehun dhe Dashnor Alikon.

Skuqi thotë se Shehu dhe Aliko duhet të largohen tani që PD-ja e Gjirokastrës të reformohet, në rast të kundërt zgjedhjet e 2023-shit, por edhe të 2025-ës do të jenë një katastrofë për të djathtët.

“Partia Demokratike e Gjirokastrës duhet të kishte promovuar të paktën pesë emra, por faktet tregojnë të kundërtën.

Totalisht të papërgatitur, totalisht jashtë realitetit, totalisht të vjetëruar.

Politika është art, argument dhe frymë, dhe nëse nuk i disponon këto tri elemente largohu, hap rrugët të rinjëve dhe mos e mbaj peng një forcë të madhe politike.

Pse në Gjirokastër të djathtët nuk kanë bole të hidhen në aksion?

Përgjigjja është e thjeshtë:

Ata që shkërmoqën PD në katër zgjedhjet e fundit, ata nuk mund të jenë zgjidhja.

Prandaj elektorati i djathtë dhe gri në jug të Shqipërisë nuk beson tek vizioni i humbësve.

Në fund të fundit çfarë ndryshimi ekziston ku përfaqësuesit politik që janë caktuar nga Lulzim Basha qysh në vitin 2014, vazhdojnë të qëndrojnë edhe sot?

Dyshja veterane Tritan Shehu dhe Dashnor Aliko duhet të largohen tani që PD e Gjirokastrës të reformohet, në rast të kundër zgjedhjet e 2023, por edhe të 2025 do të jenë një katastrofë për të djathtët”, shkruan Telnis Skuqi./ CNA.al