LEXO PA REKLAMA!

SHKARKO APP

E fundit!

x

Pas sulmeve për përçarjen e PD-së/ Dorëzohet Kokalari, braktis Shqipërinë

10 Tetor 2022, 13:33, Aktualitet CNA
Pas sulmeve për përçarjen e PD-së/ Dorëzohet
Aktivistja Evi Kokalari

Aktivistja Evi Kokalari ose e njohur ndryshe si Evi Angelakis ose Evis Kokalari, pas sulmeve të njëpasnjëshme ndaj të rinjve të FRPD-së, ndaj grave, ndaj PD-së, kreut të saj, dhe eksponentëve të tjerë të Partisë Demokratike, duket se ka vendosur të largohet nga Shqipëria.

Përmes një postimi në rrjetet sociale, Kokalari njofton se do t’i kthehet jetës në Amerikë, biznesit, politikës dhe miqve të saj.

“Puna e shumë nga ne që ndihmuam nga larg tashmë ka mbaruar. U angazhuam sërish kur pamë që po rrëshqiste po në të njëjtën greminë nga e cila e nxorëm, por nëse ju nuk keni dëshirën të shpëtoni veten, asnjë ndihmë nga jashtë nuk do t'ju bëjë derman. Ndoshta e meritoni të prekni njëherë fundin e greminës që të ngriheni në këmbë ashtu siç duhet. Zoti ju bekoftë, se seriozisht e keni shumë të nevojshme.  Ndërkohë, unë do t'i kthehem jetës sime në Amerikë, biznesit, politikës dhe miqve të mi të mrekullueshëm”, shkuan ndër të tjera Kokalari në postimin e saj në "Facebook".

Ky reagim nga Kokalari vjen pasi nuk arriti dot të përçante PD-në, sepse mendoi se mund të vinte nga rruga, përtej oqeanit dhe të vendoste grupin e saj brenda Këshillin Kombëtar të PD-së.

Duke mos e arritur këtë duket se është dorëzuar dhe është tërhequr megjithëse ajo e sheh këtë si një fitore./CNA.al

 

Lajmet e fundit nga